Фото: Global Look Press
Россия «ФСБ» «Украина Мудофаа вазирлиги Бош разведка бошқармаси («ГУР») агенти» ўлдирилгани ҳақида хабар берди, у махсус хизмат маълумотларига кўра, Свердловск областидаги мудофаа корхонаси раҳбарининг машинасини портлатиш учун «қўлбола портловчи қурилмани ясаган». Бу ҳақда 17 сентябр, сешанба куни ТАСС давлат агентлиги «ФСБ» Жамоатчилик билан алоқалар марказига асосланиб ёзди.
Кучишлатар тузилма расмийларига кўра, «агент» шунингдек, «Россияда тақиқланган Украина миллатчи террорчи ташкилоти» аъзоси бўлган. «Яширин жойга қўлбола портловчи мосламани ўрнатаётган пайтда у қуролли қаршилик кўрсатган ва жавоб ўқлари билан зарарсизлантирилган», — дейилади Жамоатчилик билан алоқалар маркази баёнотида. «ФСБ» ҳозирда «террорчига ноқонуний фаолиятни амалга оширишда ёрдам кўрсатган» шахслар аниқланаётганини таъкидлади.
«ФСБ» уруш бошидан бери камида 10 россияликни Украина манфаатини кўзлаб теракт тайёрлаганликда айблаб ўлдирди
«Агентство. Новости» Telegram-канали, ўз навбатида, Россиянинг Украинага қарши уруши бошланганидан бери Россия махсус хизматлари Россия Федерациясининг камида 10 фуқаросини ўлдирганлигини, кейинчалик улар Украинанинг кўрсатмаси бўйича терактлар тайёрлашда айбланганини ҳисоблаб чиқди. Бу баҳонада жами 16 киши ўлдирилган - улардан беш нафарининг фуқаролиги кўрсатилмаган, яна бири беларуслик эди.
Кўпинча, Украина агентлари деб аталганлар Запорижжя области эгаллаб олинган қисмида (3 киши) ўлдирилган. Яна бир қотиллик босиб олинган «ЛХР» ҳудудида содир бўлди. «ФСБ» маълумотларига кўра, барча «агентлар» қуролли қаршилик пайтида ўлдирилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Трамп Зеленскийнинг АҚШга ташрифи чоғида у билан учрашишдан бош тортди
Лионель Месси ўз продюсерлик компаниясига асос солди
Швеция Эронни Қуръон ёқиб юборилгани учун қасос олганликда айбламоқда
Оятуллоҳ Хоманаий: “Йўқотишларга қарамай, “Ҳизбуллоҳ” кучли бўлиб қолади”
Қозоғистон Евросиёдаги энг тинчликсевар давлат деб топилди
Хитой мамлакатларни жунгли қонунидан воз кечишга чақирди
“Ўзбекистон гўзали”: “Унинг шартига кўнсам, Lamborghini олиб беришини айтган”
Чехия президенти: "Уруш оқибатида Украина ҳудудларини йўқотади”