Актриса Анжелина Жоли пластик жарроҳга ёрдам сўраб мурожаат қилди

Голливуд актрисаси Анжелина Жоли АҚШнинг энг тажрибали пластик жарроҳлардан бирига мурожаат қилишга мажбур бўлди, чунки унинг ўғли Пакс Жоли-Питт тиббий ёрдамга муҳтож.

^{Фото: Паге Сих}
Юлдузнинг меросхўрларидан бири Пакс жорий йилнинг июль ойида электр велосипед ҳайдаш вақтида бахтсиз ҳодисага учради. У узоқ вақт касалхонада даволанди ва куни кеча биринчи марта онаси билан омма олдига чиқди. Йигитнинг пешонасидаги катта чандиқ дарҳол интернет фойдаланувчиларининг эътиборини тортди.

^{Фото: Daily Mail}
“Жоли ўғлининг юзида ҳеч қандай чандиқ қолмаслигига ишонч ҳосил қилиш учун Лос-Анжелесдаги энг нуфузли пластик жарроҳдан ёрдам сўради. У фарзандлари учун барча нарсага тайёр туради. Анжелина шифокорга шахсан ўзи қўнғироқ қилган ва тиббий маслаҳат олиш пайтида ўғлининг ёнида бўлган”, деб ёзади Daily Mail нашри.

^{Фото: Daily Mail}
Маълумот учун, Пакс Жоли-Питт ёзда электр велосипед ҳайдаш вақтида йўл ҳаракати қоидаларига риоя қилмагани сабаб жиддий аварияга учраган ва шифохонага ётқизилган. Пакснинг дўстлари айтишича, йигит ҳаётини хавф остига қўйиб бўлса-да, турли трюклар қилишни яхши кўради ва ҳайдаш вақтида кўпинча ҳимоя шлемидан фойдаланмайди.

^{Фото: Daily Mail} «Замин»ни Telegram’да ўқинг!