Фото: CNN
АҚШнинг Калифорния штатида истиқомат қилувчи фуқаро хатолик сабаб 18 йилдан бери қўшнисининг электр ҳисобига пул тўлаб келгани маълум бўлди. Бу ҳақда CBS News ва ABC7 телеканаллари хабар бермоқда.
Кен Уилсон бу уйда 2006 йилдан бери яшайди. Яқинда у коммунал хизматлар учун тўлаши керак бўлган сумма анча ошганини сезиб қолди. Эркак электр энергиясини тежай бошлади ва ҳатто квартирасидаги ҳисоблагичлар қанча ватт истеъмол қилишини ўлчайдиган махсус қурилмани сотиб олди.
Уилсоннинг айтишича, у электр энергияси автоматларини ўчирганидан сўнг ҳам ҳисоблагичлар ишлашда давом этган. Шундан кейин у коммунал хизматлар кўрсатувчи Pacific Gas and Electric (PG&E) компаниясига алоқага чиққан. Эркак ё кимдир унинг электр энергиясини “ўғирлаяпти” ёки ҳисоблагичларда носозлик бор, деб ўйлаган.
PG&E ходимлари Уилсоннинг ҳисоблагичларини текширганида, унинг хонадони бошқа ҳисоблагичга уланганини аниқлади, шу сабабли компания шу пайтгача ундан ўз хонадони учун эмас, балки қўшни уйга ҳақ олиб келган.
PG&E хатосини тан олиб, тушунмовчиликни бартараф этди. Шунингдек, Уилсоннинг ҳисобига 600 доллар ўтказиб берилди — у сўнгги уч йил давомида шунча миқдорда ортиқча тўлов қилган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хитой қитъалараро баллистик ракетани илк бор оммавий синовдан ўтказди
Қозоғистон Евросиёдаги энг тинчликсевар давлат деб топилди
Хитой мамлакатларни жунгли қонунидан воз кечишга чақирди
Трамп: Россия Гитлер ва Наполеонни мағлуб этган, Москва мағлубиятини кутишнинг ҳожати йўқ
“Ўзбекистон гўзали”: “Унинг шартига кўнсам, Lamborghini олиб беришини айтган”
Трамп Зеленскийнинг АҚШга ташрифи чоғида у билан учрашишдан бош тортди
Чехия президенти: "Уруш оқибатида Украина ҳудудларини йўқотади”
Лионель Месси ўз продюсерлик компаниясига асос солди