Фото: Getty Images
Telegram мессенжер асосчиси Павел Дуров Парижда ҳибсга олинганидан сўнг, нафақат Франция, балки бошқа давлатлар билан ҳамкорлик қилиб, уларнинг ҳуқуқ-тартибот идоралари сўровига кўра маълумотларни тақдим қила бошлади, деб ёзди Le Figaro.
Қайд қилинишича, Европа Иттифоқи давлатларидан бири аллақачон юзга яқин буюртма қотиллик муҳокама қилинган Telegram гуруҳи сўрови бўйича жавоб олишга муваффақ бўлган. Жанубий Кореядан келган сўров ҳам жавобни кутмоқда.
Францияда Telegram вояга етмаганлар бўйича миллий полиция департаменти (OFMIN) сўровларига, шунингдек, жандармерия сўровларига жавоб берган ва айрим гумондорларнинг шахсини аниқлаш имконини берувчи маълумотларни тақдим этган. Гап болаларга қарши жиноятлар ҳақида бормоқда.
Баҳорда OFMIN мессенжерда вояга етмаганларга қарши жиноятларнинг «тез ва назорат қилиб бўлмайдиган» даражада тарқалаётгани ҳақида хабар берган эди. Баъзи терговчилар ва судяларнинг фикрича, Telegram қурол, гиёҳванд моддалар, одам савдоси ва буюртма қотилликлари ҳам содир бўладиган «жиноятчилик супермаркети»га айланган.
Telegram раҳбариятининг одил судлов билан муносабатларини нормаллаштиришга тайёрлиги кўплаб миллий ва халқаро терговларни олдинга силжитиш имконини бериши керак, деб қайд этади Le Figaro. Газетанинг ёзишича, яқин ойларда бу ишга Павел Дуровдан ташқари бошқа одамлар ҳам жалб қилиниши мумкин.
Павел Дуров 24 август куни Париж аэропортида қўлга олинган. Унга уюшган жиноятчиликка алоқадор қатор жиноятлар, жумладан, гиёҳванд моддаларни тарқатиш ва болалар порнографиясини тарқатишда иштирок этиш, шунингдек, ваколатли органлар сўровига кўра маълумот беришдан бош тортиш каби жиноятлар бўйича айблов қўйилган. Бир неча кундан кейин у гаров эвазига озод қилинди.
Politico нашрининг хабар беришича, Дуровга нисбатан тергов Telegram раҳбарияти Франция расмийларининг болаларга нисбатан жинсий зўравонлик ҳолати бўйича сўровига жавоб бермаганидан кейин бошланган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Украина Курск областида эгаллаб олган ҳудудларининг 40 фоиздан ортиғини йўқотди
Путин Украинадаги объектга баллистик ракета зарбаси берилганини эълон қилди
Диний қўмита Умра зиёратини ташкил қилиш учун 12 та турфирмага лицензия берди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
