Фото: Mohamed Azakir/Reuters
Исроил мудофаа кучлари (ЦАҲАЛ) Ливаннинг «Ҳизбуллоҳ» гуруҳига қарши қуруқликдаги операцияни тайёрламоқда, деди бош штаб раҳбари Герци Ҳалеви. 25 сентябр, чоршанба куни 7-зирҳли танк бригадаси аскарларига мурожаат қилиб, у «уларнинг этиклари душман ҳудудига кириб боради», деди.
«Тепада самолётлар эшитиляпти, биз кун бўйи ҳужум қилдик, ҳам ҳудудни босқин эҳтимолига тайёрлаш, ҳам «Ҳизбуллоҳ»га қарши зарбаларимизни давом эттириш учун», — дея Ҳалевининг машғулотларда айтган сўзларини келтирган The Times of Israel.
Исроил бош штаби қўмондони, шунингдек, Ливандан Тел-Авивга баллистик ракета учирилишига «жуда кучли жавоб» ваъда қилди, бу кун охиригача амалга оширилади.
Нетаняҳу: «Ҳизбуллоҳ» кутилганидан ҳам кўпроқ зарар кўрди
Ўз навбатида, Исроил бош вазири Бинямин Нетаняҳу Исроил шимолида Ливан билан чегарага туташ ҳудудлардан эвакуация қилинган ўн минглаб исроилликлар ўз уйларига қайтишлари мумкинлигига ваъда берди. «Мен қилаётган ишларимиз ҳақида батафсил маълумот бера олмайман, лекин сизга бир нарсани айта оламан: биз шимолдаги халқимизни ўз уйларига хавфсиз тарзда қайтаришга қарор қилдик», деди у.
Қисқа видеомурожаатида Нетаняҳу, шунингдек, «Ҳизбуллоҳ»нинг Исроил ҳужумлари натижасида тасаввур қилганидан ҳам кўпроқ зарар кўрганига эътибор қаратди.
Айни пайтда, Вашингтон Исроилнинг Ливанда қуруқликдаги операциясини ҳалигача олдини олиш мумкин, деб ҳисоблайди. Пентагон матбуот котиби ўринбосари Сабрина Сингх журналистлар билан бўлиб ўтган учрашувда Исроил баёнотларини шарҳлар экан: «Бу муқаррар нарса эмас», деди.
Байден можарони ҳал қилиш имкониятига ишора қилди
АҚШ президенти Жо Байден Яқин Шарқдаги уруш кенг кўламли авж олишини истисно қилмади. Минтақада кенг кўламли уруш бўлиши мумкин, бироқ Исроилнинг «Ҳизбуллоҳ» ва Ҳамас гуруҳи билан можароларини ҳал қилиш имконияти ҳам бор», — деди у ABC телеканалида.
У, шунингдек, Нетаняҳунинг фаластинликлар билан можарони икки давлат асосида ҳал қилиш бўйича позициясига қўшилмаслигини билдирди. «Бу мумкин ва мен буни амалга ошириш учун бор кучимни сарфлаяпман. Ўзгаришларни кўриш истаги бор», — дея қўшимча қилди у. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
22 ноябрь куни Cobalt автомобилига шартнома очилиши эълон қилинди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Италия суди Қуддус Исроил пойтахти эмаслиги ҳақида қарор чиқарди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
