Фото: РИА Новости
Германия божхона органлари Карлсруэ прокуратураси топшириғига кўра, Интернет орқали мамлакатда тақиқланган RT (собиқ Russia Today) ва "Россия 1" каби Россия телеканалларини Германияга ретранслация қилган ноқонуний стриминг хизмати фаолиятини тўхтатди. Бу ҳақда 27 сентябр, жума куни AFP ва Südwestrundfunk хабар берди.
Хизматни Карлсруэдан икки йилдан ортиқ вақт давомида 37 ёшли эркак ва унинг 42 ёшли украиналик рафиқаси бошқарган. Тинтув чоғида улардан ретрансляция ускуналари, ёзма далиллар ва 40 минг евро нақд пул мусодара қилинди. Бундан ташқари, эр-хотиннинг ноқонуний стримингдан олган 120 минг евро миқдоридаги даромади мусодара қилинди ва улар ишлатган интернет домени блокланди, дейилади прокуратура хабарида.
Санкцияларни бузгани учун эр-хотин камида бир йил қамоқ жазосига ҳукм қилинади.
ГФР ва ЕИда Россия ташвиқот телеканаллари тақиқланиши
Германияда радио ва теледастурлар давлат регулятори - Лицензиялаш ва назорат комиссияси 2022 йил 2 февралда RT DE телеканалининг Германияда трансляциясини тақиқлади. Идора тушунтиришича, телеканалнинг мамлакат ҳудудида трансляция қилиш учун лицензияси йўқ, бу амалдаги қонунчиликка мувофиқ талаб қилинади. Ўша йилнинг 1 мартида ЕИ Кенгаши RT English, RT UK, RT Germany, RT France, RT Spanish ва Sputnik эфирини трансляция қилишни тақиқлаш тўғрисида қарор қабул қилди, чунки бу телеканаллар Европа Иттифоқида жамоат тартиби ва хавфсизлигига таҳдид солади.
2022 йил декабрида Россияга қарши санкцияларнинг тўққизинчи пакети доирасида ЕИ Кенгаши НТВ/НТВ "Мир", "Россия 1", РЕН ТВ ва Биринчи каналнинг кўрсатув лицензияларини тўхтатиб қўйди. "Ушбу оммавий ахборот воситалари Россия Федерацияси раҳбариятининг доимий бевосита ёки билвосита назорати остида бўлиб, улар Россиянинг тажовузини қонунийлаштирадиган ва Украинани қўллаб-қувватлашга путур етказадиган дезинформация ва ҳарбий ташвиқотнинг узлуксиз ва келишилган ҳаракатлари учун фойдаланилади", дея маълум қилганди ЕИ Кенгаши. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Столтенберг: “Россия НАТОни қўрқитишга ҳаракат қилмоқда”
Ўзбекистон Туркманистон ва Туркия билан мудофаа соҳасида ҳамкорлик қилади
Ҳиндистон БМТни ислоҳ қилишга чақирди
Зеленскийнинг АҚШга ташрифи: Трамп «Украина энди йўқлиги»ни айтди
Трамп Эрон томонидан ўлим таҳдиди ҳақида огоҳлантирилди
Дунёдаги энг бахтли шаҳарлар рейтинги эълон қилинди
Хитой қитъалараро баллистик ракетани илк бор оммавий синовдан ўтказди
Кунига нечта олма ейиш мумкин? Оммабоп меванинг зарарли хусусиятлари
