Фото: Reuters
Украина президенти Володимир Зеленский 27 сентябр, жума куни Ню-Йоркдаги «Трамп-тауэр» осмонўпар биносида АҚШ президентлигига номзод Доналд Трамп билан учрашди. 40 дақиқа давом этган суҳбат давомида Трамп бўлажак президентлик сайловларида ғалаба қозонса, Украинадаги урушни тугатишини яна бир бор таъкидлади. Украина етакчиси билан суҳбатдан сўнг Трамп иккаласи ҳам «адолатли келишув»ни исташларини таъкидлади.
«Бизнинг (Зеленский билан) муносабатларимиз жуда яхши, ўзингизга маълумки, мен президент Путин билан жуда яхши муносабатдаман ва ўйлайманки, агар биз (Республикачилар партияси) ғалаба қозонсак, ҳаммасини жуда тез ҳал қиламиз», деди Трамп учрашув олдидан журналистларга. Зеленскийнинг Трампнинг Украина билан муносабатлари Россия Федерациясига қараганда яхшироқ деган сўзларига жавобан АҚШнинг собиқ президенти: «Танго учун икки киши керак бўлади», деб жавоб берди.
Зеленский: Путин ғалаба қозона олмайди
Ўз навбатида, Володимир Зеленский Россия Федерацияси ва Украина ўртасидаги уруш бошланмаслиги керак бўлгани, Россия президенти Владимир Путинга эса «бу урушни тўхтатиш учун босим ўтказиш» кераклигини таъкидлади. «У бизнинг ҳудудимизда жойлашганини тушуниш керак», — дея таъкидлади Украина раҳбари.
Трамп Зеленский ҳам, Путин ҳам уруш тугашини хоҳлашини таъкидлади. «Агар мен ғалаба қозонсам, биз (уруш) адолатли якун топишини кўрамиз», деди Американинг собиқ президенти.
Учрашувдан сўнг Зеленский Трампни Украинага ташриф буюришга таклиф қилди ва у буни «албатта» қилишини айтди.
Кейинчалик, АҚШнинг собиқ президенти билан суҳбатни изоҳлар экан, Зеленский уни «жуда самарали» деб атади. «Украинадаги урушни тўхтатиш керак деган умумий фикрга эгамиз. Путин ғалаба қозона олмайди. Украиналиклар ғалаба қозониши керак», деб ёзади у. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яқин Шарқ катта уруш остонасидами?
Трамп Зеленскийнинг АҚШга ташрифи чоғида у билан учрашишдан бош тортди
Оятуллоҳ Хоманаий: “Йўқотишларга қарамай, “Ҳизбуллоҳ” кучли бўлиб қолади”
Трамп: Россия Гитлер ва Наполеонни мағлуб этган, Москва мағлубиятини кутишнинг ҳожати йўқ
Лукашенко НАТО давлатларига ядровий зарба беришга тайёрлигини маълум қилди
Диетолог қандай қилиб нон истеъмол қилмасдан қисқа вақтда озиш мумкинлигини айтди
Ҳиндистонда 50 дан ортиқ дори-дармонлар сифатида муаммо аниқланди
Хитой қитъалараро баллистик ракетани илк бор оммавий синовдан ўтказди