Дональд Трамп Зеленский билан яхши муносабатда эканини маълум қилди

^{Фото: “РИА Новости”}
АҚШ собиқ президенти Дональд Трамп Владимир Зеленский билан яхши муносабатда ва у Украина раҳбарининг импичмент можароси вақтидаги ҳаракатларини юқори баҳолайди. Бу ҳақда Украина ОАВ америкалик собиқ етакчининг The Washington Post газетасига берган интервьюсига таяниб хабар берди.

“Мен Зеленский билан яхши муносабатдаман. У менга ёқади”, деди Трамп.

АҚШ собиқ президентининг сўзларига кўра, бунга Зеленскийнинг импичмент билан боғлиқ жанжал пайтидаги ҳаракатлари сабаб бўлган.

“Зеленский овози ёзиб олинаётганини билмаганди. У ‘ҳа, мен таҳдидни ҳис қилдим’ дейиш ўрнига, ‘Трамп ҳеч қандай ёмон иш қилмаган’ дея ёнимни олган”, деди америкалик сиёсатчи.

Эслатиб ўтамиз, ўтган ҳафта Украина президенти Владимир Зеленский АҚШга ташрифи чоғида Республикачилар партиясидан президентликка номзод Дональд Трамп билан учрашган эди. «Замин»ни Telegram’да ўқинг!