Германиянинг Дрезден техника университети олимлари оталар ўз фарзандининг ҳидини таний олишини маълум қилди. Ғайриоддий тадқиқот давомида олимларнинг аниқлашича, оталар нафақат ўз болаларининг ҳидини танийди, балки уни ёқимлироқ деб ҳам билади. Тадқиқот натижалари Physiology & Behavior журналида чоп этилган.
Тадқиқотда 56 нафар ота ва уларнинг 73 нафар биологик фарзандлари иштирок этди. Болалардан душ қабул қилиш ва тоза, илгари кийилмаган кийимларда ухлаш сўралди. Эрталаб бу кўйлаклар йиғиб олиниб, ҳид намуналарини яратиш учун олимларга топширилди. Кейин оталардан турли ҳидларни бир қатор хусусиятлар бўйича баҳолаш ва улардан қайси бири фарзандларига тегишли эканини аниқлаш сўралди.
Натижалардан маълум бўлишича, оталар уч ёшгача бўлган фарзандларининг ҳидини 37 фоиз ҳолларда, ўсмирлик ёшига яқин болаларининг ҳидини эса 33 фоиз ҳолларда тўғри аниқлай олган. Оталарнинг жавоби тасодифий эмас, улар ҳақиқатан ҳам ўз фарзандларининг ҳидини таний олишган, дейилади мақолада. Тадқиқотчиларнинг таъкидлашича, оталар бу ҳидни бошқа болаларникига қараганда ёқимлироқ деб баҳолашган.
Оталарнинг ўз фарзандлари ҳидини аниқлаш қобилияти бутун болалик даврида сақланиб қолади, фақат балоғатга етиш даври бундан мустасно, деб қайд этди мақола муаллифлари. Шунингдек, ҳиднинг ёқимлилиги ота ва бола ўртасидаги алоқани мустаҳкамлашга ёрдам берувчи ижобий ҳиссиётлар билан боғлиқлиги ҳам аниқланди.
Тадқиқотчиларнинг таъкидлашича, ўз фарзандининг ҳидидан келадиган ёқимли ҳис-туйғулар болаларни таниб олишда ҳамда ота-она ва бола ўртасидаги мустаҳкам алоқани шакллантиришда муҳим аҳамият касб этади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Диний қўмита Умра зиёратини ташкил қилиш учун 12 та турфирмага лицензия берди
Путин Украинадаги объектга баллистик ракета зарбаси берилганини эълон қилди
