Фото: Reuters
Шимолий Корея етакчиси Ким Чен Ин Корея халқ армияси махсус бўлинмалари ўқув базасига ташриф буюрди ва у ерда ўтаётган машғулотларни кузатди.
Унинг таъкидлашича, агар мамлакат ҳужумга учраса, ҳеч иккиланмасдан барча мавжуд кучлардан, жумладан, ядровий қуролдан фойдаланади.
КХДР етакчиси Жанубий Корея президенти Юн Сок Еолни “қўғирчоқ” деб атаб, Жанубий Корея расмийлари ва АҚШ ўртасидаги ядровий иттифоқни танқид қилган.
“Агар ўта аҳмоқлик ва бепарволикка ботган душманлар бизнинг такрорий огоҳлантиришларимизга эътибор бермасалар ва Жанубий Корея ҳамда АҚШ иттифоқига ишониб, КХДР суверенитетига куч ишлатишга ҳаракат қилсалар, биз раҳм қилмаймиз”, дея қўшимча қилган Ким Чен Ин.
Фото: Reuters
Сиёсатчи Шимолий Корея олимларини “ядровий таҳдидларга жавоб бера олиш” учун ядровий материаллар ишлаб чиқаришни кўпайтиришга чақирган.
1 октябрь куни Жанубий Кореяда қуролли кучлар ташкил топганининг 76 йиллиги нишонланган эди. Мазкур байрам муносабати билан Сеулда кенг кўламли ҳарбий парад бўлиб ўтди. Мамлакат президенти Юн Сок Еол агар Пхеньян Жанубий Кореяга қарши ядровий қурол ишлатмоқчи бўлса, Жанубий Корея ва АҚШнинг жавоби “ҳал қилувчи ва ҳайратланарли” бўлишини ваъда қилган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Ҳелен» тўфони: АҚШда 600 киши ҳалок бўлган бўлиши мумкин
Исроил армияси Эроннинг ракета зарбаси ниҳоясига етганини эълон қилди
Ҳусийлар Тель Авивнинг чекка ҳудудларига ҳужум қилди
Эрдўғон: “Ливандан кейин Исроилнинг навбатдаги нишони Туркия бўлиши мумкин”
Песков: Махсус ҳарбий операция Россия мақсадларига эришиш билан якунланиши керак
Эрон Исроилга ракеталарни учирди
Эрон Исроилга қасос зарбаси берилганини эълон қилди
Микротўлқинли печда овқат иситиш соғлиқ учун зарарлими?