Украина парламенти 18-25 ёшли эркакларни сафарбар қилишни тақиқлади

^{Фото: Anadolu}
Украина Олий Радаси 18 ёшдан 25 ёшгача бўлган эркакларни сафарбар қилишни тақиқловчи қонунни қабул қилди. Бу ҳақда парламент депутати Алексей Гончаренко маълум қилди.

“Рада 18-25 ёшлиларни сафарбар қилишни тақиқлади. Қонун лойиҳаси тўлиқ қабул қилинди”, деб ёзади у. Гончаренконинг фикрича, бундай ёшдагиларни сафарбар қилиш уят.

Аввалроқ Украина оммавий ахборот воситалари мамлакат армиясидаги йўқотишларни тўлдиришдаги қийинчиликлар, шу жумладан, 18 ёшдан ошган ёшларни ҳарбий хизматга чақириш шароитида сафарбарликнинг кенгайиши мумкинлигини таъкидлаган эди. Адвокатлар 25 ёшгача бўлган эркаклар ҳарбий хизматга қисман яроқли деб топилган тақдирда, ҳатто ҳарбий кафедрадан ўтмасдан ҳам сафарбар қилиш имконини берадиган қонунчилик зиддиятини аниқлаган.

Қонун лойиҳаси ушбу муаммони 2024 йил июнигача тиббий томонлама лаёқатсиз деб топилган 25 ёшгача бўлган эркакларга сафарбарликни кечиктириш орқали ҳал қилишга қаратилган. Шунингдек, қонун бакалавриат босқичини тугатаётган ва магистратура имтиҳонларига рўйхатдан ўтаётган талабаларни тиббий кўрикдан ўтказиш ва ҳарбий хизматга чақирилиш эҳтимолидан ҳимоя қилади. «Замин»ни Telegram’да ўқинг!