Эрон президенти Масъуд Пезешкиён Ашхободда Владимир Путин билан бўлиб ўтган учрашувда Россия билан кенг қамровли стратегик шериклик тўғрисидаги битим имзоланишига умид билдирди.
“Умид қиламанки, биз ушбу келишувни Россияда бўлиб ўтадиган БРИКС саммити чоғида имзолаймиз”, - дея унинг сўзларини келтиради матбуот хизмати.
Учрашув чоғида Пезешкиён Эрон ва Россия ўртасидаги муносабатлар стратегик ва самимий эканини, икки давлат ҳамкорлиги иқтисодий ва маданий жиҳатдан кундан-кунга мустаҳкамланиб бораётганини қайд этди.
Шунингдек, Эрон президенти Пезешкиён Москва ва Теҳроннинг халқаро майдондаги позициялари ўхшашлигини ҳам айтиб ўтди.
“Эрон ва Россия бир-бирини тўлдирувчи ажойиб салоҳиятга эга ва бизнинг халқаро майдондаги позицияларимиз (бошқа мамлакатларга қараганда – таҳр.) бир-бирига яқинроқдир”, — деди Пезешкиён.
Яқин Шарқдаги вазият бораида Пезешкиён Ғарб давлатлар ушбу минтақада тинчлик ўрнатилишини истамаслигини айтиб ўтди.
"Ҳозир минтақадаги вазият оғир Америка ва Европа бу ердаги вазиятнинг тинчланишини истамайди", - деди у Россия президенти билан учрашувда.
Ашхободда бўлиб ўтган Путин ва Пезешкиён ўртасидаги музокаралар бир соатга яқин давом этди. Давлат раҳбарлари ўртасидаги мулоқот делегациялар доирасида бошланди, сўнгра музокаралар юзма-юз давом этди, деди Россия президенти матбуот котиби Дмитрий Песков.
Пезешкиён ва Путин учрашуви
© POOL
Эслатиб ўтамиз, Масъуд Пезешкиён президент этиб сайланганидан 3 кун ўтиб, (8 июлда) Теҳрон Эроннинг “дўсти ва қўшниси” Россия билан кенг қамровли стратегик шериклик тўғрисидаги битим имзолашга тайёрлигини билдирган эди. 18 сентябрь куни Россия президенти келишув лойиҳасини маъқуллади, 4 октябрь куни Ислом Республикасининг Москвадаги элчиси Казем Жалоли ҳужжат имзолашга тайёрлигини маълум қилди.
БРИКС ассоциацияси 2006 йилда Бразилия, Россия, Ҳиндистон ва Хитой томонидан ташкил этилган бўлиб, 2011 йилда Жанубий Африка қўшилган. 2024 йилнинг 1 январида Миср, Эрон, БАА, Саудия Арабистони ва Эфиопия гуруҳнинг тўлиқ аъзоси бўлган эди.
Эрон, Россия, Стратегик шериклик, Келишув, Имзолаш “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Ғазода 2023 йил октябрь ойидан буён 17 мингдан ортиқ бола ҳалок бўлган...
