Фото: Беларусь президенти матбуот хизмати
Минск ва “Роснефть” Гомел вилояти ер қаърини нефть излаш мақсадида ўрганишга келишиб олди. Бу ҳақда Беларусь президенти Александр Лукашенко хабар берди.
“Биз Гомел вилояти ҳудудларини жиддий равишда ўрганамиз. Албатта, у ердан нефть топамиз (совет даврида қудуқларни бурғулаб, ташлаб кетишган). Биз ундан тушган маблағларни Гомел вилоятимизни ривожлантиришга йўналтирамиз”, деган у. Лукашенконинг таъкидлашича, бунда “Роснефть” ҳам иштирок этади.
Гомел вилояти Беларусь шарқида жойлашган бўлиб, Россия (Брянск вилояти) ва Украина билан чегарадош. Республикада нефть қазиб чиқариш 1965 йилда бошланган бўлиб, бу иш билан “Белоруснефть” давлат компанияси шуғулланади. 2024 йилга келиб, компания Беларусда 63 та конни ўз тасарруфига олган.
Захиралар асосан Гомел ва Могилев вилоятларида жойлашган. Нефть олинадиган энг йирик конлар — Речица, Осташковичи, Жанубий Осташковичи ва Вишан конлари - Гомел вилоятида жойлашган. Беларусь Табиий ресурслар ва атроф-муҳитни муҳофаза қилиш вазири Сергей Маслякнинг таъкидлашича, мамлакат нефтининг 98 фоизи айнан шу ҳудудда қазиб олинади. Беларусь конларида қазиб чиқариш бошлангандан буён 144 миллион тоннадан ортиқ нефть ва 16 миллиард куб метрдан кўпроқ йўлдош нефть гази қазиб олинган.
Лукашенко, Беларус, Нефть топиш, Ваъда берди “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Трамп Путинга қўнғироқ қилиб, Украинадаги урушни муҳокама қилди
Фронтдаги вазият: Россия ҳарбийлари Курск областида қарши ҳужумга тайёрланмоқда
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Рақобат қўмитаси биржада Аи-80 бензини бошланғич нархига чеклов ўрнатди
Украина ҚК бош қўмондони: “Фронтдаги вазият мураккаб ва кескинлашиши мумкин”
Иммунитетни кўтариш учун 6 та энг яхши витамин
