Фото: Kloop.kg
Қирғизистон президенти Садир Жапаров «Дафн этиш ва дафн ишлари тўғрисида»ги қонунни амалга ошириш чора-тадбирлари тўғрисидаги фармонни имзолади. Бу ҳақда давлат раҳбари матбуот хизмати хабар берди.
Фармонда Қирғизистон мусулмонлари диний бошқармасига (ҚМДБ) қабристонлар ҳудудида ёдгорликлар, ҳайкаллар, қабр тошлари, тош, гранит, мармар, металлдан ясалган панжараларни ўрнатишни тақиқловчи фатво чиқариш тавсия этилган. Тарихий ва маданий аҳамиятга эга бўлган дафнлар учун истисно бўлиши мумкин.
«Мусулмонга шариатга кўра, қабрга қимматбаҳо тош турларини ўрнатиш ва қабр устига сурат қўйиш, уни темир панжаралар билан ўраш, цемент ва бетондан фойдаланиш тақиқланган. Бундай одатлар марҳумга ёрдам бермайди», деган эди Жапаров шу йил июл ойида «Кабар» ахборот агентлигига берган интервюсида.
Президент ўз юртдошларини қабристонларга металл ва тош ёдгорликлар ўрнатишни тўхтатишга чақирди.
«Баъзи сиёсатчиларнинг нима дейиши менга қизиқ эмас. Марҳумларнинг хотирасини ҳурмат қилиш учун ҳар куни уйда Қуръон ўқиш ёки узоқда бўлсангиз ҳам уларни дуо қилиш мумкин. Шу етарли. Шунда марҳум шод бўлади. Металл ёдгорликлар ёки икки қаватли мақбаралар ўрнатиш бизнинг анъанамиз эмас», деди Қирғизистон раҳбари.
Қарорга кўра, қабр ёдгорликлари ва панжаралар ёғоч материаллардан ясалган бўлиши ва баландлиги 0,7 метрдан ошмаслиги керак. Бундай чора-тадбирлар қабр ёдгорликларини қуришда исрофгарчиликнинг олдини олишга ёрдам беради, деб ҳисоблайди президент.
Мусулмонлар диний бошқармаси ва бошқа тегишли идораларга марҳумларни дафн этиш масалалари бўйича аҳоли ўртасида доимий тарғибот-тушунтириш ишларини олиб бориш топширилди.
Архитектура, қурилиш ва уй-жой коммунал хизмат кўрсатиш давлат агентлигига уч ой муддатда қабристонларни ободонлаштириш, сақлаш, қабр ёдгорликларининг ўлчамлари, уларни тайёрлаш ва ўрнатиш учун материалларга қўйиладиган талаблар бўйича лойиҳавий йўриқномалар ишлаб чиқиш вазифаси юклатилди.
Қирғизистон президенти, Садир Жапаров, Қабристон, Ёдгорлик ўрнатиш, Тақиқлаш “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
Шавкат Мирзиёев Россия бош прокурори билан учрашув ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Италия суди Қуддус Исроил пойтахти эмаслиги ҳақида қарор чиқарди
