Фото: Anadolu Agency
Истанбул прокуратураси 21 нафар чақалоқнинг ўлимига сабаб бўлган ноқонуний фаолиятда айбланаётган бир гуруҳ шифокорлар учун 10 йилдан 589 йилгача қамоқ жазосини талаб қилди. Hürriyet газетаси хабар қилишича, жиноятчи гуруҳ аъзолари янги туғилган чақалоқларни давлат тиббиёт муассасаларига эмас, балки хусусий клиникаларга йўналтириш билан шуғулланган.
Тергов маълумотларига кўра, жиноий тармоққа Истанбулнинг Эсенюрт касалхонасида ишлаган педиатр Фират Сара раҳбарлик қилган. Айблов хулосасида айтилишича, гумонланувчилар болаларни ўзлари билан олдиндан келишилган хусусий тиббиёт марказларига ўтказган. Бундай бўлимларда чақалоқлар белгиланган муддатдан бир неча баробар кўпроқ вақт қолишган, бу эса даволаниш харажатларини уч-тўрт баробарга оширган.
ОАВ бу ишда иштирок этган 19 та хусусий клиника рўйхатини эълон қилди. Иш бўйича жами ўнлаб шахс гумонланувчи сифатида кўрилмоқда.
Чақалоқларнинг ўлими зарур мутахассисларга эга бўлмаган болалар бўлимларида инфекциялар тарқалиши билан боғланмоқда. Баъзи ҳолларда чақалоқларга ўзини шифокор деб кўрсатган ҳамширалар қараган. Гуруҳ аъзоларига қарши айбловлар қаторида касалхоналар учун мўлжалланган дори-дармонларни сотиш ҳам бор.
Жиноий гуруҳ раҳбари қасддан қилинмаган қотиллик, ҳужжатларни қалбакилаштириш, фирибгарлик ва жиноий гуруҳ ташкил этиш айби билан 589 йилгача озодликдан маҳрум этилиши мумкин. Гуруҳнинг бошқа аъзолари эса 10 йилдан 437 йилгача қамоқ жазосига тортилиши кутилмоқда. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
