Иллюстратив фото: ChatGPT
Исроил Эронга қарши жавоб зарбасига тайёргарлик кўраётганига оид махфий маълумотлар тармоқларга сиздирилди. Ҳолат юзасидан АҚШ тергов бошлади. Бу ҳақда вазиятдан хабардор манбаларга таяниб, CNN хабар берди.
15 ва 16 октябрь саналари билан белгиланган ҳужжатлар 18 октябрда интернетда тарқала бошлаган. Улар биринчи марта Middle East Spеctаtоr Telegram канали томонидан эълон қилинган. Қоғозлар “ўта махфий” деб таснифланган, уларни фақат АҚШ ва унинг “Беш кўз” иттифоқчилари — Австралия, Канада, Янги Зеландия ва Буюк Британия кўриши мумкин.
Ҳужжатларда Исроилнинг Эронга қарши жавоб зарбаси бериш учун олиб бораётган тайёргарлиги ҳақида маълумот берилган. У Миллий геофазовий разведка агентлиги томонидан тайёрланган бўлиб, унда Исроил ўқларни ташиш режаларини тузаётгани айтилган.
Бошқа бир ҳужжатдаги маълумотлар эса Миллий хавфсизлик агентлигидан олинган. Унда Исроил ҳарбий-ҳаво кучларининг “ҳаво-ер” тоифасидаги ракеталар билан ўтказилган машқлари тасвирланган. Ҳужжатларни тарқатганлар бу Исроилнинг Эронга қарши зарба беришга тайёргарлигининг бир қисми бўлиши мумкинлигини истисно этмаган.
АҚШ олиб бораётган тергов доирасида, Пентагондан чиққан деб тахмин қилинаётган ҳужжатга кимлар кириш ҳуқуқига эга бўлгани текширилмоқда. Ҳар қандай ахборот сизиб чиқиши автоматик равишда Федерал қидирув бюроси, Пентагон ва АҚШ разведка хизматлари томонидан биргаликда тергов ўтказилишига олиб келади.
Эрон 1 октябрь куни Исроилга кенг кўламли ракета ҳужумини амалга оширди. Бу Исроилнинг Байрутга ҳужуми оқибатида Эрон Ислом инқилоби қўриқчилари корпуси генерал майори Аббос Нилфорушон ва “Ҳизбуллоҳ” етакчиси Ҳасан Насруллоҳнинг ўлимидан кейин содир бўлди. Исроил мудофаа армияси Эрон ҳужумидан сўнг “жиддий ва аҳамиятли” жавоб беришни ваъда қилди.
Исроил, Эронга ҳужум қилиш, Махфий маълумотлар, Тармоққа сиздирилди “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
22 ноябрь куни Cobalt автомобилига шартнома очилиши эълон қилинди
Хонанда Рухшона уйланмаган йигитга турмушга чиққани ҳақида сўзлаб берди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Россияда ядровий портлашдан ҳимояловчи мобил бошпаналарни серияли ишлаб чиқариш бошланди
Кимёвий воситалар билан дарахтларга шикаст етказганлик учун жавобгарлик белгиланди
БАА Қатарни шунчаки янчиб ташлади. Ўзбекистонга "кела олмаган" Лимадан покер
