Ким Чен Ин синглиси Украина ва Жанубий Кореяни “беадаб итлар” деб атади

^{Фото: “ТАСС”}
Шимолий Корея етакчиси Ким Чен Иннинг синглиси Ким Ё Чжон Жанубий Корея ва Украинани “икки томчи сувдек ўхшаш” деб таърифлаб, иккала давлатни “АҚШ томонидан тарбияланган беодоб итлар” деб атади. Бу ҳақда “ТАСС” хабар берди.

“Сеул ва Киевнинг хатти-ҳаракатларига қараб, уларнинг шошилинч ҳаракат қилишлари, тиланчилик қилишлари ва ядровий қуролга эга бўлган давлатлар ҳақида қайтариб бўлмайдиган бемаъни гапларни айтишга журъат этишлари, уларни икки томчи сувдек ўхшаш эканини кўрсатмоқда. Буни АҚШ томонидан тарбияланган одобсиз итларга хос бўлган умумий хусусиятлар деб аташ мумкин”, деди Меҳнат партияси Марказий қўмитаси раҳбари ўринбосари Ким Ё Чжон.

Ким Чен Иннинг синглиси Жанубий Корея дронларининг КХДР ҳаво ҳудудини бузиши билан боғлиқ ҳодисалар сабабли яна қўшни давлатни танқид қилди. Ким Ё Чжон Шимолий Корея тергов органлари ҳодисани ўрганишни давом эттирайтоганини айтди.

“Бизнинг қасосимиз ва жавобимиз қандай бўлишини ҳеч ким билмайди”, дея қўшимча қилди у.

КХДР 19 октябрь куни Пхеньян атрофида учувчисиз учиш аппарати қолдиқлари топилганини маълум қилди. Экспертлар бу дронлар билан операциялар ўтказишга масъул Жанубий Корея махсус қўмондонлигига тегишли эканини билдирди. КХДР Мудофаа вазирлиги вакили бундай аппарат Корея Қуролли кучлари кунини нишонлаш пайтида намойиш этилганини айтди. Жанубий Корея томони бунга изоҳ бериш борасида ҳарбийлар Пхеньян даъволарини тасдиқлай олмаслигини билдирди. “Замин” янгиликларини “Одноклассники”да кузатиб боринг