Туркия пойтахтида портлаш ва отишма юз берди

Туркиянинг TUSAŞ аэрокосмик компаниясининг Анқара яқинидаги штаб-квартираси яқинида кучли портлаш содир бўлди, дея хабар бермоқда мамлакат расмийлари ва турк ОАВлари.

Туркия Ички ишлар вазирлиги маълумотларига кўра, воқеа натижада ҳалок бўлганлар ва жароҳатланганлар бор. Лекин уларнинг аниқ сони ҳақида ҳозирча маълумот йўқ. Расмийлар воқеани теракт деб атади.

«Туркия аэрокосмик саноатига қарши теракт уюштирилди. Афсуски, ўлганлар ва ярадорларимиз бор», — деб ёзган ички ишлар вазири Али Ерликая Х ижтимоий тармоғида.

Маҳаллий ОАВ шунингдек, TUSAŞ офиси яқинидаги отишма ҳақида ёзмоқда. «Замин»ни Telegram’да ўқинг!