Фото: iStock
Intelsat провайдери фойдаланиб келган Boeing компанияси томонидан ишлаб чиқарилган сунъий йўлдош кутилмаганда геостационар орбитада парчаланиб кетди. Расмий маълумотга кўра, аппарат «буткул яксон бўлган».
Сунъий йўлдошнинг парчаланишига нима сабаб бўлгани ҳозирча аниқ эмас. АҚШ Космик кучлари «аппаратнинг 20 га яқин қолдиқларини кузатмоқда» — улар бевосита ҳеч қандай таҳдид уйғотмаяпти. Шу билан бирга, космик маконни кузатиш билан шуғулланувчи ExoAnalytic Solutions компанияси сунъий йўлдошнинг 57 та бўлагини кузатаётганини маълум қилган.
Мутахассислар ҳозирча сунъий йўлдош парчаланишининг аниқ сабабини аниқламаган бўлса-да, мазкур ҳодиса сунъий йўлдошларнинг ишлаш муддати чекланганини, шунингдек, доимий равишда орбитадаги фойдали объектлар билан космик чиқиндилар тўқнашуви хавфи борлигини яна бир бор эслатиб қўйди. Орбитал картография билан шуғулланувчи LeoLabs компанияси тадқиқотчилари октябр бошида космик чиқиндилар билан тўқнашув муқаррарлигидан огоҳлантирган эди.
Оғирлиги 6600 килограмм, ўлчами эса минивендек келадиган сунъий йўлдош Boeing Space Systems компанияси томонидан яратилган ва 2016 йилда учирилган эди. У Европа, Африка ва Осиёнинг бир қисми учун кенг полосали алоқани, жумладан, интернет ҳамда телефон алоқасини таъминлаб келган.
IS-33e номли мазкур аппарат Boeing томонидан EpicNG платформаси доирасида учирилган иккинчи сунъий йўлдош эди. Биринчиси — IS-29e бўлиб, ёнилғи сизиб чиқиши оқибатида ишдан чиққанди. Intelsat компанияси мазкур сунъий йўлдошдан буткул айрилганини 2019 йил апрелда эълон қилган, кейинроқ эса буни микрометеорит урилиши ёки қуёш фаоллиги билан изоҳлаган эди.
Аммо IS-33e’нинг парчаланишига нима сабаб бўлгани номаълум. Intelsat вакилларининг таъкидлашича, сунъий йўлдош учирилганига саккиз йил тўлганидан кейин у кўпроқ ёнилғи сарфлашни бошлаган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Зеленский Путин борасида баёнот берди: “Тинчликни истаганлар юзига тупурмоқда”
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Ўмон султонлиги элчиси: «Урушларни ҳарбий куч билан ҳал қилиб бўлмайди»
Путин Украинадаги объектга баллистик ракета зарбаси берилганини эълон қилди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Диний қўмита Умра зиёратини ташкил қилиш учун 12 та турфирмага лицензия берди
