Фото: Charism Sayat/AFP
Филиппинга ёпирилган «Трами» тропик тўфони натижасида юзага келган сув тошқинлари ва кўчкилар оқибатида ҳалок бўлганлар сони 110 кишига етди. Бу ҳақда ҳукуматнинг табиий офатларга чора кўриш агентлигига таяниб, The Sun хабар берди.
Қайд этилишича, қурбонлар сони аввалроқ изоляцияда қолган туманлардан хабарлар келиши билан ошиб бориши кутилмоқда. Шунингдек, камида 42 киши бедарак йўқолганлар сафида қолмоқда.
Мамлакат президенти кичик Фердинанд Маркос табиий офатдан жабр кўрган Манила жануби-шарқидаги ҳудудга ташриф буюрди. У ҳукумат иқлим ўзгариши оқибатида юзага келаётган сув тошқинларига қарши кураш бўйича йирик лойиҳа устида иш бошлашни режалаштираётганини маълум қилди.
Филиппинда тўфон 4,4 миллион аҳолига таъсир кўрсатган, юз минглаб инсонлар эвакуация марказларида қолмоқда. Бутун Лусон ороли ҳудудидаги мактабларда дарслар ва ҳукумат муассасалари фаолияти тўхтатилган. Транспорт инфратузилмасига зарар етган, жумладан, қатор рейслар бекор қилинган. Ўн мингга яқин одам Филиппиндаги портларда қолиб кетгани айтилмоқда.
Маълумот учун, Филиппинда 7 мингга яқин ороллар мавжуд бўлиб, у ерга ҳар йили 20 га яқин тўфон ёпирилади. «Трампи» 2024 йил бошидан бери кузатилган 11-тўфон ҳисобланади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Жиззахда Cobalt катта тезликда икки қизчани уриб юборди
