Орбан: Трампнинг ғалабаси Европани Киевга ёрдамни ўзгартиришга мажбур қилади

^{Фото: Facebook / orbanviktor}
АҚШ президентлик сайловларида Доналд Трамп ғалаба қозонса, Европа Украинани қўллаб-қувватлаш масаласини қайта кўриб чиқишига тўғри келади, деди Венгрия бош вазири Виктор Орбан 3 ноябр, якшанба куни, деб ёзади Reuters. Унинг тахминига кўра, Трамп президент сифатида Қўшма Штатларнинг йўналишини Россия ва Украина ўртасидаги «тинчлик келишуви»га ўзгартиради, бу ҳолда Европа «уруш юкини ёлғиз ўзи кўтара олмайди». мослашишга мажбур бўлади.

«Биз Европада шуни англаб етишимиз керакки, агар Америкада тинчлик тарафдори бўлган президент бўлса, менинг бунга нафақат ишончим комил, балки рақамларни шундай талқин қиляпман, ва Америка тинчлик тарафдори бўлса, Европа уруш тарафдори бўлиб қололмайди», деди Орбан. Украинани қўллаб-қувватлашнинг мақсадга мувофиқлиги масаласи келаси ҳафта охирида Будапештда бўлиб ўтадиган Европа Иттифоқи саммитида ҳам муҳокама қилиниши керак, деб ҳисоблайди Орбан. У ўша ерда бўлиб ўтадиган ЕИ етакчиларининг норасмий учрашувига ишора қилди.

ЕПда Венгрия бош вазири билан кескин мунозара юз берди

Европарламент аъзолари Венгрия бош вазири Виктор Орбан билан мунозаралар чоғида уни Россия президенти Владимир Путинга яқинликда айблаб, асосий ҳуқуқ ва эркинликларнинг бузилиши, шунингдек, Венгриядаги коррупциянинг юқори даражасини кескин қоралашди. 9 октябр куни Страсбургда консерваторлардан тортиб сўлларгача бўлган кенг кўламли сиёсий кучлар вакили бўлган кўплаб европалик парламентарийлар Орбанга қарши чиқишди.

Европа Комиссияси раиси Урсула фон дер Ляйен ўтган ёзда Орбаннинг кенг танқид қилинган «тинчлик ташаббуси»ни эслади, унда у бошқа нарсалар қаторида Владимир Путин ва Доналд Трамп, шунингдек, Хитой раҳбари Си Жинпиннинг олдига Брюссел билан келишмасдан туриб ташриф буюрган. Уруш сабабини «Путиннинг ҳокимиятга интилишида эмас, балки Украинанинг эркинликка чанқоқлигида» кўраётганлар ҳамон бор», — деди у.

Ўз навбатида, 2010 йилдан бери ҳокимиятда бўлган венгер ўнг популисти қонун чиқарувчиларни ўз мамлакати ҳақида «сўл қарашдаги ёлғонлар»ни тарқатишда ва жорий ярим йил давомида Европа Иттифоқига раислик қилаётган Венгрияга қарши «ўзига хос интифада»да айблади. “Замин” янгиликларини “Инстаграм”да кузатиб боринг