Россия разведкаси: АҚШ 2025 йил Украинада сайловлар ўтказишга тайёрланмоқда

^{Фото: Reuters}
Россия Ташқи разведка хизмати АҚШ 2025 йилда Украинада президентлик ва парламент сайловларини ўтказиш имкониятини кўриб чиқаётганини даъво қилди. Бу ҳақда “Коммерсант” хабар берди.

Разведкага кўра, бу орқали Украина президенти Владимир Зеленскийни алмаштириш мақсад қилинган.

"Россия билан ҳарбий ҳаракатлар давом этаётган шароитда келгуси йилда президентлик ва парламент сайловларини ўтказиш Вашингтонда Владимир Зеленскийни четлатишнинг қонуний усулларидан бири сифатида кўриб чиқилмоқда", дейди Россия разведкаси.

Улар Украинада ўтказилиши мумкин бўлган сайловларда номзодлар АҚШ Давлат департаменти билан келишилган ҳолда амалга ошишини даъво қилди. Шунингдек, АҚШ манфаатларини қўллаб-қувватлайдиган янги партия тузилишини илгари сурди.

Украина президенти Владимир Зеленскийнинг ваколатлари 2024 йил май ойида тугаши керак эди. Аммо, ҳозирда Украинадаги уруш туфайли янги давлат раҳбарини сайлаш имконсиз. Украина МСК конституциясига мувофиқ, янги давлат раҳбари лавозимига киришгунга қадар президент ўз ваколатларини бажаришини тушунтирган. Бирлашган Миллатлар Ташкилоти Зеленскийни қонуний президент сифатида тан олади. «Замин»ни Telegram’да ўқинг!