
Фото: Reuters
АҚШнинг сайланган президенти Дональд Трамп амалдаги давлат раҳбари Жо Байден билан учрашиш учун Оқ уйга келди.
Маълумотларга кўра, учрашув чоғида Байден ва Трамп ҳокимиятни тинч йўл билан топшириш зарурлиги ҳақида келишиб олган.
“Бу жараён иложи борича силлиқ ўтади. Биз талабларингизни қондириш учун ҳамма нарсани қилишга тайёрмиз”, деди Байден.
Шунингдек, улар яна бошқа бир қатор масалаларни муҳокама қилди.
“Сиёсат — оғир иш. Бу кўп ҳолларда турли тўполонларга сабаб бўлади. Лекин бу сафар ундай эмас. Мен жараён иложи борича силлиқ ўтишини қадрлайман”, деди Трамп.
Трамп 5 ноябрь куни бўлиб ўтган президентлик сайловларида ғалаба қозонди. У ХIX асрдан бери тўрт йиллик танаффусдан сўнг Оқ уйга қайтган биринчи АҚШ президенти бўлди.
Дональд Трамп 2025 йил 20 январда инаугурациядан сўнг ишга киришади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар