Фото: Getty Images
Марказий разведка бошқармаси (МРБ) ходими Асиф Уилям Раҳмон АҚШ Исроилнинг Эронга берадиган зарбасини баҳолашда фойдаланган махфий маълумотларни ошкор этиш иши доирасида қўлга олинди. Бу ҳақда The Wall Street Journal ва The New York Times газеталари суд ҳужжатлари ҳамда манбаларга таяниб хабар берди.
АҚШнинг Гуам оролидаги округ суди материалларида келтирилишича, Асиф Раҳмон — Америка ҳукуматининг ходими бўлиб, махфий маълумотлар билан ишлаш бўйича юқори даражадаги рухсатга эга бўлган. Материалларда Раҳмон МРБга ишлагани айтилмаган, аммо манбалар у хориждан туриб жосуслик агентлигига ишлаганини тасдиқлаган. МРБнинг ўзи ҳолатга изоҳ беришдан бош тортган.
Суд ҳужжатларида қайд этилишича, 7 ноябр куни Раҳмонга миллий мудофаа тўғрисидаги маълумотларни қасддан сақлаш ва улашиш бўйича айблов эълон қилинган. Федерал қидирув бюроси 12 ноябр куни Раҳмонни Камбоджада қўлга олиб, Гуамга етказган — 14 ноябр куни у суд қаршисида жавоб беради.
Пентагоннинг Исроилни Эронга уюштирадиган ҳужумига оид режалари тўғрисида ўта махфий маълумотлари октябр ойида сизиб чиққанди. Ҳужжатларда Исроил Мудофаа кучлари ҳужум доирасида фойдаланиши мумкин бўлган самолёт ва снарядлар турлари ҳақида сўз боради. Ҳисоботларнинг бирида таъкидланишича, АҚШ Исроил ҳужум вақтида ядровий қуролдан фойдаланишни режалаштираётгани бўйича ҳеч қандай белгини кўрмаган.
Америка махсус хизматлари янги махфий материаллар сизиб кетишидан хавотирланиб, юқоридаги маълумотларни тарқатган шахсни қидиришни бошлаган эди. Федерал қидирув бюроси октябр ойида ҳолат бўйича Мудофаа вазирлиги ва разведка ҳамжамияти билан тергов олиб бораётганини маълум қилганди.
Аввалроқ Америкалик 22 ёшли ҳарбий IT-мутахассис Жек Тейшейра ўз мамлакатининг миллий мудофаасига оид махфий маълумотларни, жумладан, Украинадаги урушга оид махфий ҳарбий ҳужжатларни ошкор қилгани учун 15 йиллик қамоқ жазосига ҳукм қилинганди.
2019 йил сентябр ойида Миллий гвардия сафига қўшилган ва 2021 йилда ўта махфий ҳукумат ҳужжатларини кўриш учун расмий рухсат олган Жек Тейшейра 2023 йил 13 апрелда геймерлар орасида машҳур Discord ижтимоий медиа платформасидаги Thug Shaker Central чат гуруҳида пайдо бўлган махфий ҳужжатларнинг сизиб чиқиши билан боғлиқ ҳолда қўлга олинган эди. АҚШ расмийларига кўра, Тейшейра биринчи марта 2022 йил октябр ойида у ерда махфий маълумотларни жойлаштирган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Халқаро жиноят судининг ордери Исроилни нега қўрқитяпти?
Зеленский Путин борасида баёнот берди: “Тинчликни истаганлар юзига тупурмоқда”
Италия суди Қуддус Исроил пойтахти эмаслиги ҳақида қарор чиқарди
2026 йилда бўлажак мундиалнинг фаворитлари рейтинги тақдим этилди
Ўмон султонлиги элчиси: «Урушларни ҳарбий куч билан ҳал қилиб бўлмайди»
