Нетаньяху қароргоҳига сигналли ракеталар учирилди

^{Фото: Getty Images}
Исроилнинг Кейсария шаҳридаги бош вазир Биньямин Нетаньяхунинг хусусий қароргоҳи ҳудудига иккита сигналли ракета учирилди. Бу ҳақда Исроил полицияси ва “Шин-Бет” ички хавфсизлик хизматининг қўшма баёнотида хабар берилди.

Маълум қилинишича, воқеа 16 ноябрь куни кечқурун содир бўлган. Ҳодиса юз берган пайтда ҳукумат раҳбари ва унинг оиласи уйда бўлмаган. Вайронагарчилик қайд этилмаган. Қўшма баёнотда бу “хавфли эскалация” деб номланган.

Нетаньяху қароргоҳига аввал ҳам ҳужум қилинганди

“Ҳизбуллоҳ” жорий йил 19 октябрь куни Исроил бош вазирининг шахсий қароргоҳига дрон ҳужуми уюштирди. Ўшанда ҳам Нетаньяху ва унинг рафиқаси Сара қароргоҳ ташқарисида бўлган. Ҳеч ким жароҳат олмаган.

“Ҳизбуллоҳ” учта дрон учирган ва уларнинг барчаси Кесариядаги қароргоҳга қаратилган. Исроил ҳарбийлари уларнинг иккитасини уриб туширган. 22 октябрь куни “Ҳизбуллоҳ” қароргоҳга қилинган ҳужум учун жавобгарликни расман ўз зиммасига олган.

Нетаньяху қароргоҳига ҳужум туфайли Эронга ва иттифоқчиларига таҳдид қилиб, “оғир товон тўлаш”лари ҳақида огоҳлантирган. Исроил “Ҳизбуллоҳ” дронларини уриб тушириш учун 500 миллион долларлик лазер қурилмаларига буюртма берган. “Замин” янгиликларини “Twitter”да кузатиб боринг