Ким Чен Ин Ғарбни Украинадан Россияга қарши фойдаланганликда айблади

^{© Sputnik / Валерий Мельников}
Шимолий Корея етакчиси Ким Чен Иннинг айтишича, Ғарб ва АҚШ жанговар тажрибани тўплаш ва ҳарбий аралашув кўламини кенгайтириш учун Россия билан урушда Украинадан олдинга зарба берувчи куч сифатида фойдаланмоқда. Бу ҳақда мамлакат Марказий телеграф агентлиги хабар берди, деб ёзмоқда РИА Новости.

Ким Чен Ин 10 йил ичида биринчи марта бўлиб ўтган батальон командирлари ва сиёсий инструкторларнинг 4-йиғилиши иштирокчилари олдида “Корея халқ армияси батальонлари қўмондонлари ва сиёсий етакчиларининг ҳозирги ҳолати ва вазифалари тўғрисида” маъруза қилди.

КХДР етакчисининг айтишича, уруш ҳеч қачон бошқаларнинг иши бўлмаган ва бу узоқ келажак масаласи эмас.
“Биз АҚШ ва Ғарбнинг Украинадан зарба берувчи куч сифатида фойдаланиб, Россияга қарши олиб бораётган урушига ҳақиқий жанговар тажрибани ҳар томонлама тўплаш ва бутун дунё бўйлаб ҳарбий аралашув кўламини кенгайтиришга қаратилган можаро сифатида қарашимиз керак”, — деди у.

Ким Чен Иннинг таъкидлашича, "америкалик уруш савдогарлари" Украина ва Исроилга ҳарбий ёрдам кўрсатишда давом этмоқда, ҳозирги можароларни чўзмоқда ва тобора кўпроқ мамлакатлар бу вазиятга "тортиб кетмоқда".

Бу глобал хавфсизлик муаммоларини чуқурлаштирмоқда, Учинчи жаҳон уруши қўрқувини кучайтирмоқда ва тобора хавфли вазиятга олиб келмоқда. Унинг қўшимча қилишича, уруш хавфи бутун дунёда мавжуд ва унинг қаерда ва қачон бошланишини ҳеч ким башорат қила олмайди. Шу билан бирга, Корея ярим ороли ҳарбий тўқнашувлар эҳтимоли энг юқори минтақа сифатида тан олинган.

“Қуролли кучларимизнинг ҳар бир бўлинмаси ўз фаолиятини урушга тайёргарлик кўришга қаратиши ва бу тайёргарликни тезда якунлаш учун барча саъй-ҳаракатларини амалга ошириши керак”, — деди КХДР раҳбари. “Замин” янгиликларини “Инстаграм”да кузатиб боринг