Бугун, 20 ноябрь куни Ўзбекистоннинг Кобулдаги янги тайинланган элчиси Ойбек Усмонов «Толибон» ҳукуматининг Ташқи ишлар вазири Амирхон Муттақийга ишонч ёрлиқлари нусхасини топширди.
Бу ҳақда «Толибон» Ташқи ишлар вазирлиги матбуот котиби ўринбосари ва жамоатчилик билан алоқалар бўйича директор ўринбосари Ҳафиз Зиё Аҳмад маълум қилди.
Расмийнинг ёзишича, Амирхон Муттақий Ўзбекистоннинг янги элчисини қутлаб, унга фаолиятида мамлакат Ташқи ишлар вазирлиги кўмаклашишига ишонтирган. Шунингдек, вазир икки давлат пойтахтларида элчихоналар фаол ишлаётганини икки томонлама муносабатлардаги тараққиётнинг яхши белгиси деб атаган ва давлатлараро йирик иқтисодий лойиҳалар соҳасида амалий қадамлар ташлаш зарурлигини таъкидлаган.
Ўз навбатида, Ойбек Усмонов ҳам икки давлат ўртасидаги муносабатларни қардошлик деб атаган ва ўз миссияси давомида Ўзбекистон ва Афғонистон ўртасидаги муносабатларни янада ривожлантиришга ҳаракат қилишига ваъда берган.
«Ўзбекистоннинг янги элчиси яқин муносабатларга мисол сифатида икки давлат ўртасидаги олий даражадаги делегациялар алмашинувини келтирди», – деб ёзади манба.
Эслатиб ўтамиз, жорий йилнинг октябрида 2012-2024 йилларда Кобулда элчи бўлиб ишлаган Ёдгорхўжа Шодманов ўрнига Ўзбекистоннинг Фавқулодда ва Мухтор Элчиси этиб Ойбек Усмонов тайинлангани хабар қилинган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шимолий Корея Россияга узоққа зарба берувчи қуроллар юборди
Ким Чен Ин ҳарбийларни жанговар ҳолатда туришга чақирди
Дунёнинг машҳур аёллари кунни қандай бошлайди?
Эрон АҚШдан 1 трлн доллар компенсация талаб қилди
Омега-3 қандай қилиб озишга ёрдам беради?
Туркия Исроил президенти самолётини ҳаво ҳудудига киритмади
Рашида Толиб Конгресс аъзоларига «аччиқ ҳақиқат»нинг суратини кўрсатди
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
