Неймар Дубайдан 50 миллион евролик ҳашаматли пентхаус сотиб олди

Саудия Арабистонининг “Ал-Ҳилол” ва Бразилия терма жамоаси ҳужумчиси Неймар яна жамоатчилик эътиборини тортди.

Бу сафар гап унинг футболдаги ютуқлари ёки янги жароҳати ҳақида эмас. Ҳужумчи Дубайдаги Binghatti Residences мажмуасидан пентхаус сотиб олиб, ўзининг камтарона ҳаётига бир оз дабдаба қўшишга қарор қилди.

Мажмуа қурилиши ҳали тугалланмаган ва 2027 йилда якунланиши режалаштирилган бўлса-да, лойиҳа аллақачон катта қизиқиш уйғотмоқда.

Унда 182 та квартира бор, бироқ Неймар 11 та эксклюзив пентхауслардан бирини танлади, бу эса мажмуадаги энг қиммат резиденсиялардан бири бўлади.

Пентхаус шахсий сузиш ҳавзаси ва автомобилни тўғридан-тўғри квартирага кўтариш имконини берувчи ноёб тизимга эга гараж билан жиҳозланади. Панорамали деразалар шаҳарнинг ҳайратланарли манзараларини тақдим этади.

Ушбу бинодаги квартираларнинг нархи 246 минг евродан 50 миллион еврогача баҳоланган.

Residences by Binghatti — Bugatti брендидан илҳомланган дунёдаги биринчи турар-жой мажмуаси. Бинонинг фасади силлиқ чизиқлар ва нафис эгилувчан чизиқлар тасвири билан ажралиб туради. У Франция Riviera’сини эслатади ва мегаполиснинг марказида курорт услубидаги ҳаёт тарзини таклиф этади.

^{Фото: Binghatti}
Комплекснинг ҳашаматли қулайликларига Riviera услубидаги пляж, шахсий бассейн, жакузи-спа, фитнес-клуб, шахсий ошпаз, хусусий мулкдорлар клуби ва тўғридан-тўғри пентхаусга олиб борадиган автомобиллар учун иккита лифт киради

Турар жой, шунингдек, ўз резидентлари учун мўлжалланган турли хил юқори даражадаги ва мослаштирилган хизматлар, жумладан, шахсий ҳайдовчи ва консерж хизматларини ўз ичига олади.

^{Фото: Instagram}
Айни дамда 32 ёшли Неймар яна бир жароҳатидан фориғ бўлмоқда. Унинг Саудия клуби билан шартномаси 2025 йилнинг ёзида якунига этади. Январь ойидан бошлаб бразилиялик бошқа жамоалар билан музокаралар олиб бориш ва дастлабки келишувни имзолаш ҳуқуқига эга бўлади. “Замин” янгиликларини “Инстаграм”да кузатиб боринг