Трампнинг маслаҳатчиси пора талаб қилди

^{Фото: Getty Images}
АҚШнинг сайланган президенти Дональд Трампнинг шахсий маслаҳатчиси Борис Эпштейн администрациядаги лавозимларни эгаллашда ёрдам бериш эвазига пул талаб қилди. Бу ҳақда юридик текширув натижаларига асосланиб, The Washington Post хабар берди.

Хабарга кўра, Эпштейн бўлажак президент администрациясига номзодлардан ойлик гонарар тўлашни сўраган. Сиёсатчи шу тариқа уларнинг манфаатини Трамп олдида ҳимоя қилишини айтган. Эпштейннинг ўзи мазкур айбловни рад этмоқда.

Адвокатлар у кескин танқид қилинган ҳисоботни тайёрлади. Эпштейн ўтиш даври ҳукуматига катта таъсир кўрсатадиган Трампнинг бош юристи ҳисобланади.

Аниқланишича, у молия вазири лавозимига тайинланган Скотт Бессентдан ҳам пул талаб қилган, аммо уриниш натижасиз якунланган. Юридик текширув ташаббуси Трампнинг ўзидан чиққан. У Эпштейннинг бўлажак номзодларга қўяётган талаблари ҳақидаги маълумотни олгандан сўнг, буни буюрган.

Шунингдек, ҳужжатда Эпштейннинг Трамп билан ишлашини ва яқин ҳамкорлигини тўхтатиш тавсия этилган. Акс ҳолда, сайланган президент ўз ёрдамчисига қарши жиноий айбловлар билан боғлиқ кераксиз можарога аралашиб қолиши кутилмоқда. “Замин” янгиликларини “Одноклассники”да кузатиб боринг