Фото: Getty Images
Австралия Сенати 16 ёшгача бўлган болаларнинг аксарият ижтимоий тармоқлардан фойдаланишини тақиқловчи қонун лойиҳасини маъқуллади, деб хабар берди CBS News. Энди ҳужжат мамлакат бош вазири Энтони Албанезе томонидан имзоланиши керак, у азалдан бу қонунни қўллаб-қувватлаб келган.
Янги қонун Австралияни ўсмирлар томонидан ижтимоий тармоқлардан фойдаланишда энг қаттиқ чекловларга эга демократик мамлакатга айлантиради.
Қонунга кўра, TikTok, Facebook, Snapchat, Reddit, X ва Instagram каби йирик ижтимоий тармоқлар 16 ёшгача бўлган фойдаланувчиларнинг аккаунт яратишига йўл қўймаслиги керак. Ушбу қоидаларга риоя қилмаган компаниялар 50 миллион Австралия доллари (33 миллион АҚШ доллари) миқдоригача жаримага тортилади.
Йирик технология компаниялари, жумладан, Facebook ва Instagram эгаси Meta корпорацияси қонуннинг шошилинч қабул қилинганидан хавотир билдирди. Meta ушбу талабларни амалга ошириш учун барча фойдаланувчилардан шахсий маълумотларни йиғишни талаб қилишини таъкидлади, бу мураккаб ва қиммат жараён бўлади. Бундан ташқари, X эгаси Илон Маскнинг айтишича, янги қонун австралияликлар учун бутун интернетга киришни назорат қилиш усули бўлиши мумкин.
Технологик гигантлар билан бир қаторда Австралиянинг Инсон ҳуқуқлари бўйича комиссияси ва Save the Children фонди каби мустақил ташкилотлар қонун ўсмирлар ҳуқуқларини поймол қилиши мумкинлигидан хавотирда. Улар тақиқлар ўрнига ижтимоий тармоқларнинг платформалар хавфсизлиги учун масъулиятини кучайтириш, шунингдек, рақамли саводхонлик ва хавфсизлик бўйича таълимни мактаб ўқув дастурига киритишни таклиф қилишди.
Бош вазир Энтони Албанезе танқидни рад этиб, қонунда YouTube ва Google Classroom каби таълим ва соғлиқни сақлаш платформаларига кириш учун истиснолар мавжудлигини айтди. Шунингдек, маълумотлар махфийлигининг қатъий ҳимояси таъминланишини таъкидлади. Қарама-қаршиликларга қарамай, қонун лойиҳаси аҳоли орасида кенг қўллаб-қувватланмоқда: YouGov сўровига кўра, австралияликларнинг 77 фоизи 16 ёшгача бўлган ўсмирлар учун ижтимоий тармоқларга киришни тақиқлаш жорий этилишини қўллаб-қувватлаган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрон Исроил билан кенг кўламли урушга тайёрлигини маълум қилди
Бош кийимсиз юришнинг организмга қандай таъсири бор?
Организмда қайси турдаги витамин етишмаётганини қандай аниқлаш мумкин?
Эрдўғон: “Туркия Ғазо можароси тугамагунча Фаластинни қўллаб-қувватлайди”
Медведев Россия НАТО ҳарбий базаларига зарба йўллаши мумкинлигини истисно қилмади
100 млн сўмгача бўлган кредитлар соддалаштирилган тартибда ажратилади
Грецияда минглаб одамлар НАТОга қарши намойиш ўтказди
Германия разведкаси раҳбари: “Россия яқин йилларда НАТОга ҳужум қилиши мумкин”
