Илон Маск 400 миллиард доллардан ортиқ бойликка эга дунёдаги биринчи одамга айланди

^{Фото: Bloomberg}
Bloomberg хабарига кўра, Илон Маскнинг бойлиги 439,2 миллиард долларга етди. Tesla ва SpaceX бош директори Bloomberg рейтингида дунёнинг энг бой одамлари орасида биринчи бўлди, унинг соф бойлиги 400 миллиард доллардан ошди. SpaceX 350 миллиард долларлик қиймати билан энг қиммат стартапга айланганидан кейин унинг капитали тахминан 50 миллиард долларга ошди.

Маск бойлиги бўйича Amazon асосчиси Жефф Безос ва Meta раҳбари Марк Цукербергдан олдинда бормоқда.

Илон Маск 2021 йил январида Amazon бош директори Жефф Безосни ортда қолдириб, тарихдаги энг бой одамга айланган эди. Шу вақтда унинг бойлиги 194,8 миллиард долларга баҳоланди.

Bloomberg аввалроқ Маскнинг бойлиги Доналд Трамп АҚШ президентлик сайловида ғалаба қозонганидан кейин ҳам ўсишда давом этганини таъкидлади. Маск Республикачилар номзодини омма олдида қўллаб-қувватлаган саноқли йирик тадбиркорлардан бири эди.

Америкалик тадбиркор Илон Маск 2027 йилга бориб дунёдаги биринчи доллардаги триллионерга айланиши мумкин, деб ёзди The Guardian газетаси. Ҳисоб-китобларга кўра, Маскнинг бойлиги йилига ўртача 110 фоизга ўсмоқда.

Дунёнинг иккинчи триллионери 2028 йилга бориб, ҳиндистонлик миллиардер Гаутам Адани бўлиши кутилмоқда. Nvidia бош директори Женсен Хуанги ва индонезиялик магнат Пражого Пангесту бойлиги ҳам 2028 йилда 1 триллион доллар чегарасидан ошиб кетиши мумкин. “Замин” янгиликларини “Twitter”да кузатиб боринг