Фото: msk1.ru
Москванинг Басманний суди Россия Қуролли кучлари радиация, кимёвий ва биологик мудофаа қўшинлари бошлиғи генерал-лейтенант Игор Кирилловни ўлдиришда гумонланаётган Ўзбекистон фуқароси Аҳмад Қурбоновни ҳибсга олиш бўйича қарор қабул қилди.
Қайд этилишича, Қурбонов икки ой муддатга ҳибсга олинган. «Интерфакс»нинг суд маълумотларига таяниб ёзишича, унга нисбатан «терроризм ва қуролнинг қонунга хилоф муомаласи» моддалари бўйича расмий айбловлар қўйилган. «ТАСС» манбаси аввалроқ Қурбонов «қотиллик» моддаси бўйича айбланаётганини таъкидлаганди.
Тергов тегишли тартибда илтимоснома билан мурожаат қилгани боис суд мажлиси ёпиқ тарзда ўтказилган.
Россия Федерацияси қуролли кучлари радиация, кимёвий ва биологик мудофаа қўшинлари бошлиғи, генерал-лейтенант Игор Кириллов ва унинг ёрдамчиси 17 декабр куни тонгда Москва шаҳри Рязанск проспектидаги уйи олдида рўй берган портлаш оқибатида ҳалок бўлганди. Тергов маълумотига кўра, қўлбола портловчи қурилма уй подъезди ёнида турган электр самокатга ўрнатилган.
18 декабр куни Россия Тергов қўмитаси ФХХ ва ИИВ ҳамкорлигида Ўзбекистоннинг 29 ёшли фуқаросини террорчилик ҳужуми содир этишда гумон қилиб, қўлга олди. У сўроқ пайтида Украина махсус хизматлари томонидан ёллангани, бунинг учун 100 минг доллар миқдорида пул мукофоти ва Европа давлатларидан бирига яшаш учун чиқиши кафолатланганини айтган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Сурия исёнчилари етакчиси мурожаат билан чиқди
Хитой ва Ҳиндистон Ҳимолайдаги ярим асрлик ҳудудий низони ҳал қилмоқчи
Туркия Сурия чегарасида қўшин тўпламоқда
Россия Курск вилояти ва Украина шарқида ҳужумларни кучайтирмоқда
Трамп Зеленскийни уруш тугашига тайёрланишга чақирди
Россия Исроилни Голан тепаликлари борасида огоҳлантирди
Дональд Трамп: “Президент Эрдўғон жуда ақлли, Асад эса шафқатсиз қассоб”
Ал-Жулоний: “Сурия Афғонистон эмас ва бўлмайди ҳам”
