Фото: Reuters
Украина ҳудудига тинчликпарвар кучлар юборилса, Германия четда турмайди. Германия мудофаа вазири Борис Писториус Funke нашрига берган интервьюсида бу ҳақда маълум қилган.
“Германия Европадаги энг йирик НАТО давлати ва Европанинг энг йирик иқтисодиёти сифатида бунга бефарқ турмайди”, деди у.
Шу билан бирга, Писториус можаро тугамагунча Украина ҳудудида немис аскари бўлмаслигини ҳам таъкидлади. Унинг фикрича, Москва ва Киев учинчи томон иштирокида Украинага тинчликпарвар кучларни юбориш ҳақида келишиб олиши керак.
"Бу борада ҳали очиқ саволлар жуда кўп", дея қўшимча қилди Писториус.
Аввалроқ Европа давлатлари ўт очиш тўхтатилганидан кейин Украинага 100 минггача қўшин юборишни муҳокама қилаётгани хабар берилганди.
Reuters'нинг украиналик манбаларидан бири Европанинг тийиб турувчи кучлари беш-саккизта давлатдан иборат бўлиши мумкинлигини айтган. Айрим таҳлилчилар Европа контингенти таркибида 40 мингга яқин ҳарбий бўлиши керак, деб ҳисоблайди.
Халқаро стратегик тадқиқотлар институтида ишлайдиган Австриянинг собиқ ҳарбий мутахассиси Франс-Стефан Гади фикрича, ротацияга тахминан 100 минг ҳарбий жалб этилиши мумкин. Исмини ошкор қилмасликни сўраган Европа хавфсизлик офицери ҳам бу фикрга қўшилган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Жакартада "Имом Бухорий: Ўзбекистон ислом санъати" кўргазмаси очилди
Германияда Рождество ярмаркасида теракт содир этилди
Туркий давлатлар фейк ва дезинформацияга қарши биргаликда курашади
Маск Украинага ёрдам беришни АҚШнинг энг ёмон қарорларидан бири деб атади
Ал-Жулоний: “Сурия Афғонистон эмас ва бўлмайди ҳам”
Россия Курск вилояти ва Украина шарқида ҳужумларни кучайтирмоқда
Доналд Трамп Европа Иттифоқига ультиматум қўйди
Илон Маск: “Европа давлатлари йўқ бўлиб кетиш хавфи остида”
