Фото: Noriko Hayashi/Bloomberg/Getty Images
Япониянинг Asahi Shuzo компанияси ноёб алкогол ичимлик — космик сакени тайёрлаш ниятида. Бу орқали олимлар орбитада ферментация жараёнини ўрганишни ҳам мақсад қилган, деб хабар беради CNN.
Мазкур ичимликни тайёрлашда керак бўладиган маҳсулотлар Халқаро космик станцияга (ХКС) юборилади, у ерда ичимлик микрогравитация шароитида ферментация жараёнидан ўтади. Лойиҳа Япониянинг аэрокосмик тадқиқотлар агентлиги билан ҳамкорликда амалга оширилади.
Asahi Shuzo ХКСда аллақачон «Кибо» модулидан фойдаланиш учун тўловни амалга оширган, олимлар у орқали микрогравитациянинг ўзига хос шароитини назорат қила олади. Айнан шу омил ферментациянинг дастлабки жараёнини тубдан ўзгартириб юбориши мумкин.
Анъанавий сакени тайёрлаш учун одатда икки ой вақт кетади ва у бир нечта босқичда амалга оширилади: гуручни буғлаш, сув, хамиртуруш ва махсус кодзи замбуруғини қўшиш.
Компания вакилларининг таъкидлашича, лойиҳа шунчаки маркетинг йўли бўлибгина қолмай, янги технологиялар ва космосда ферментация жараёни қандай кечишини тушунишга қаратилган ҳаракатдир.
Лойиҳа амалга ошса, жами 100 миллилитрга тенг ягона шиша идишдаги космик саке сотувга чиқарилади. Унинг нархи тахминан 100 миллион иенани (653 минг доллар) ташкил этиб, дунёдаги энг қиммат ичимликка айланади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда Рождество ярмаркасида теракт содир этилди
Россия Курск вилояти ва Украина шарқида ҳужумларни кучайтирмоқда
Маск Украинага ёрдам беришни АҚШнинг энг ёмон қарорларидан бири деб атади
Илон Маск: “Европа давлатлари йўқ бўлиб кетиш хавфи остида”
Ал-Жулоний: “Сурия Афғонистон эмас ва бўлмайди ҳам”
Туркий давлатлар фейк ва дезинформацияга қарши биргаликда курашади
Путин Суриядаги вазиятдан фойда кўрган давлат номини айтди
Жакартада "Имом Бухорий: Ўзбекистон ислом санъати" кўргазмаси очилди
