АҚШ қўмондонлиги маълумотига кўра, F/A-18 Hornet самолёти Америка ҳарбий кемасидан учирилган ракета билан уриб туширилган. Экипажнинг икки аъзоси ҳам катапулта қилинган ва омон қолган, пилотлардан бири енгил тан жароҳати олган.
«USS Harry S Truman авиаташувчи зарбдор гуруҳи таркибидаги USS Gettysburg ракета крейсер тасодифан зарба бериб, USS Harry S Truman авиаташувчисидан ҳавога кўтарилган F/A-18 Hornet самолётини уриб туширди», — дейилган хабарда.
Ҳодиса америкалик ҳарбийлар Яман пойтахти Сано шаҳрида ҳусийчиларнинг ракета сақлаш объекти ҳамда қўмондонлик пунктига бир неча ҳаво зарбалари йўллашидан кейин содир бўлган.
АҚШ ҳарбийлари худди шу паллада Эрон қўлловидаги ҳусийчилар томонидан учирилган бир неча дрон ва кемаларга қарши ракеталарни ҳам уриб туширганини қўшимча қилган.
АҚШ ҳарбийлари уриб туширилган самолёт ҳусийчиларга қарши амалиётда иштирок этгани ёки йўқлигига аниқлик киритмаган.
Ҳусийчиларнинг кемалар бўйлаб зарбалари
Америка қўмондонлиги Сано бўйлаб зарбалар ҳусийчиларнинг АҚШ кемалари, шунингдек, Қизил денгиз жанубида, Боб-ал-Мандиб бўғози ва Адан кўрфазида сузувчи бошқа савдо кемаларига ҳужумларининг олдини олишга қаратилганини маълум қилган.
Ҳусийчилар 2023 йил октябрида, Ҳамаснинг Исроил ҳудудига ҳужум қилиши ортидан Ғазо секторида фаластинликлар гуруҳига қарши амалиёт бошлангач, Исроил ҳамда бошқа давлатларга тегишли кемалар бўйлаб ракеталар ва дронлар орқали ҳужум қила бошлади.
2023 йил ноябрида шундай зарбалар оқибатида Қизил денгизда иккита кема чўктириб юборилганди. Ҳусийчилар бирор далил келтирмаган ҳолда фақат Исроил, АҚШ ёки Буюк Британияга алоқадор кемаларни нишонга олаётганини билдирган.
Ҳусийчиларнинг ҳаракатларига жавобан АҚШ, Буюк Британия ва яна 12 мамлакат муҳим савдо йўллари ўтувчи Қизил денгиздаги кемачилик муҳофазаси бўйича амалиёт бошлаган.
Шанба куни исроиллик ҳарбийлар Ямандан учирилган ракеталардан бирини уриб тушира олмагани ва у Тел-Авивдаги хиёбонлардан бирига тушганини маълум қилди. Исроил фавқулодда хизматлари 16 киши деразалар синиқлари тушиши туфайли енгил тан жароҳати ҳақида маълум қилган. Яна 14 киши бошпаналарга яширинишга уринганида яраланган.
Шанба куни ҳусийчилар ракетаси Тел-Авив бўйлаб зарба берганди
Ҳусийчилар вакили бу зарба товушдан тез ҳаракатланувчи ракета орқали амалга оширилганини айтган.
Ҳафта бошида Исроил Яман бўйлаб зарбалар йўллаганди, Санодаги порт ва энергетика инфратузилмалари ҳужум нишони бўлган. Ҳусийчилар орасидаги манба зарбалар оқибатида тўққиз киши ҳалок бўлганини билдирган.
Ҳусийчилар Ғазодаги уруш якунланмагунича зарба беришда давом этишни ваъда қилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Маск Украинага ёрдам беришни АҚШнинг энг ёмон қарорларидан бири деб атади
Жакартада "Имом Бухорий: Ўзбекистон ислом санъати" кўргазмаси очилди
Генерал Кирилловнинг қотиллик иши очилишида Ўзбекистон томони ҳам иштирок этади
Шавкат Мирзиёев россиялик генералнинг ўлими муносабати билан Путинга ҳамдардлик билдирди
Путин Суриядаги вазиятдан фойда кўрган давлат номини айтди
Россиялик ҳарбийлар Киевга баллистик ракета билан ҳужум қилди
Доналд Трамп Европа Иттифоқига ультиматум қўйди
Илон Маск: “Европа давлатлари йўқ бўлиб кетиш хавфи остида”
