Францияда Янги йил арафасида 984 та машина ёқиб юборилди

^{Фото: “Репорт.аз”}
Янги йил арафасида Францияда мингга яқин машина ёқиб юборилди, полиция 420 кишини қўлга олди, улардан 310 нафар ҳибсда сақланмоқда. Бу ҳақда BFМTV телеканали хабар берди.

Франция Ички ишлар вазирлиги бўлим бошлиғи Бруно Ретаёнинг аниқлик киритишича, кўпчилик ҳодисалар пиротехника отилиши билан боғлиқ бўлиб, улар полиция ходимлари ва ўт ўчирувчиларга ҳужум қилишда ҳам қўлланган.

Лион шаҳрида икки ёшли қизалоқ аравачасига ёниб турган пиротехника урилиши оқибатида унинг юзи ва кўзи куйиш жароҳатини олган. Яна бир киши петарда портлаши туфайли оғир аҳволда касалхонага ётқизилган. Телеканал бу воқеа тафсилотларини келтирмади.

Полиция байрам кунлари Париж ва унинг чеккасида тартибни сақлаш учун 10 мингга яқин ҳуқуқ-тартибот идоралари ходимлари сафарбар этилишини маълум қилди.

Янги йил байрамларида Францияда жами 90 минг нафар турли ҳуқуқ-тартибот идораларининг вакиллари иш олиб борди. Бруно Ретаё маҳаллий ҳокимият ва хавфсизлик кучларини террорчилик хавфи юқори даражада давом этаётганини ҳисобга олиб, ҳушёр бўлишга чақирди. “Замин” янгиликларини “Twitter”да кузатиб боринг