Қозоғистонда юзлаб автомобиллар иштирокида тўқнашув содир бўлди (видео)

^{Фото: Ижтимоий тармоқлар}
Қозоғистондаги Остона-Шучинск магистрал йўлининг Кўғом ва Қоратол қишлоқлари орасидаги қисмида юзлаб автомобиллар иштирокида йирик йўл-транспорт ҳодисаси содир бўлди.

Қайд қилинишича, ноқулай об-ҳаво шароити (совуқ ва кучли шамол) туфайли йўл эрталаб соат 7:20 да ёпилган. Тушга яқин йўлда қолиб кетган ҳайдовчиларга ёрдам бериш учун полиция ва махсус техника етиб келган.

Шундан сўнг, машиналар карвони Шучинск томон ҳаракатланган. Ҳаракатланиш жараёнида машиналардан бири тезликни меъёридан оширган, оқибатда, юзлаб автомобиллар тўқнашган.

Қайд қилинишича, Темиртов яқинидаги Қарағанда шоссесида 800 га яқин автомобил тўпланиб қолган.


Полиция ҳайдовчиларни ноқулай об-ҳаво шароитида шаҳар ташқарисига чиқмасликка чақирмоқда.

Ҳозирча, қурбонлар ёки жабрланганлар ҳақида маълумот берилмади. “Замин” янгиликларини “Одноклассники”да кузатиб боринг