Ҳиндистонда портлаш оқибатида 8 нафар полициячи ҳалок бўлди

^{Фото: Life.ru}
Ҳиндистоннинг Чхаттисгарх штатида бомба портлаши оқибатида камида саккиз нафар полициячи ҳалок бўлди. Бу ҳақда DW нашри хабар бермоқда.

Ҳиндистон полицияси портлаш оқибатида саккиз нафар ходим ва ҳайдовчи ҳалок бўлганини маълум қилди.

Ҳужум учун жавобгарликни ҳеч бир қуролли гуруҳ ўз зиммасига олмади, бироқ хавфсизлик кучлари минтақадаги энг фаол маоист исёнчиларини асосий гумондор сифатида кўрмоқда.

Портлаш хавфсизлик кучларини нишонга олган қатор ҳужумларнинг бир қисми бўлиб, полиция ва маоист исёнчилар ўртасидаги мунтазам тўқнашувлар фонида содир бўлди.

Чхаттисгарх ва унга қўшни Ҳиндистоннинг марказий ва шарқий штатлари ҳукумат ва радикал маоист гуруҳлар ўртасида ўнлаб йиллар давом этган қуролли тўқнашувлардан азият чекмоқда.

Сўнгги йилларда ҳарбийлаштирилган гуруҳларнинг фаолияти сезиларли даражада камайганини ҳам таъкидлаш зарур.

Ҳиндистон Портлаш Полициячи Чхаттисгарх Янгиликлар