Лукашенко: Беларус бардош берилмайдиган урушга тортилмоқда!

Беларус президенти Александр Лукашенко Украина ўз мамлакатини ҳарбий можарога тортаётганини айтди. Унинг фикрича, Беларус урушда қатнашишга дош бера олмаслиги мумкин. Бу ҳақда БелТА хабар берди.

«Нега Володя Зеленский ўзини бундай тутмоқда?.. Унга буйруқ беришяпти. Мамлакатимизни урушга тортиш учун ҳар томонлама ҳаракат қилишмоқда... Агар бизни урушга тортишса, жуда оғир бўлади. Биз давлат сифатида бунга бардош беролмаслигимиз мумкин... Лекин дош беришимиз керак», деди Лукашенко.

Беларус президентининг таъкидлашича, унинг ҳукмронлиги йилларида мамлакат «юпқа муз устида юрган бўлса-да, ҳеч қачон музни ўйиб юбормаган ва сувга қулаб тушмаган».

Аввалроқ, Украина президенти Володимир Зеленский Россиянинг кенг кўламли босқини дастлабки кунларида Лукашенко унга қўнғироқ қилиб, Россиянинг Беларус ҳудудидан берган ракета зарбалари учун узр сўраганини айтди.

Кейинчалик, Беларус президентининг матбуот котиби Наталя Эйсмонт бу иддаоларни рад қилди. «Беларус президенти Зеленскийдан узр сўрамади, чунки бизда узр сўраш учун ҳеч қандай сабаб йўқ», деб таъкидлади Эйсмонт. «Замин»ни Telegram’да ўқинг!