Starship космик кемаси парвоз вақти портлаб кетди (видео)

^{Коллаж: “Дарё”}
SpaceX компаниясига тегишли Starship космик кемаси еттинчи синов парвози пайти Атлантика океани устида портлаб кетди. Бу ҳақда Space'га таяниб Дарё хабар берди.

Дастлаб 123 метрли аппарат Жанубий Техасдаги Starbase базасидан муваффақиятли ишга туширилган ва поғоналарни ажратишга эришган. Унинг Super Heavy деб номланган биринчи поғонаси Starbase базасига қайтган ва режага кўра Ҳинд океанида қўниши керак эди.

Аммо тахминан 8 дақиқа ўтгач, юқори поғона билан алоқа йўқолган, у Ер атмосферасида портлаган. Космик кема парчалари Кариб денгизи устидаги тунги осмонни ёритган.

SpaceX компанияси эгаси, миллиардер Илон Маск ҳодисага қуйидагича муносабат билдирган.

“Дастлабки маълумотларга кўра, космик кема двигателининг ҳимоя девори устидаги бўшлиқда кислород ёки ёнилғи сизиб чиққан”, деган у.

Миллиардернинг сўзларига кўра, компания муҳандислари сизиб чиқишларни икки марта текширишдан ташқари, ёнғин ўчириш тизимини ўрнатади ва эҳтимол, вентиляция тешигининг майдонини кенгайтиради. Маск ҳалокат туфайли Starship’нинг кейинги синов учирилишини кечиктириш эҳтимоли кам эканини таъкидлади. “Замин” янгиликларини “Telegram”да кузатиб боринг