FIFA президенти Жанни Инфантино АҚШнинг сайланган президенти Дональд Трамп билан учрашди. Учрашув Трампнинг Флоридадаги шахсий қароргоҳида бўлиб ўтган.
“АҚШ президенти Дональд Трампнинг бўлажак инаугурацияси олдидан учрашиш шараф эди. Биз 2025 йилнинг ёзида бўлиб ўтадиган футбол бўйича клублар ўртасидаги Жаҳон чемпионати ва 2026–йилги футбол бўйича Жаҳон чемпионатини муҳокама қилдик”, – деб ёзди Инфантино.
FIFA президенти Трампга кўрсатилган эътибор ва яқин ойларда FIFAни қўллаб-қувватлашга розилик билдиргани учун миннатдорлик изҳор этди.
“Америка ер шаридаги ҳамма меҳмонларни кутиб олади, футбол эса бутун дунёни бирлаштиради!”, – дея қўшимча қилди Инфантино.
Маълумот учун, 2026 йилги футбол бўйича Жаҳон чемпионати 11 июндан 19 июлига қадар АҚШ, Мексика ва Канадада бўлиб ўтади.
“Замин” янгиликларини “Telegram”да кузатиб боринг
