Трамп: “Россия АҚШга Иккинчи жаҳон урушида ғалаба қозонишда ёрдам берган”

^{Фото: AFP}
АҚШ президенти Дональд Трамп Россиянинг Иккинчи жаҳон урушидаги Қўшма Штатлар ғалабасига қўшган ҳиссасини эътироф этиб, бу даврда Россиянинг йўқотишлари миқёсини алоҳида таъкидлади.

“Биз ҳеч қачон унутмаслигимиз керак, Россия бизга Иккинчи жаҳон урушида ғалаба қозонишда ёрдам берди, бунда деярли 60 миллион кишисини йўқотди”, деб ёзади Трамп Truth Social ижтимоий тармоғидаги саҳифасида.

Шу билан бирга, Россиянинг расмий маълумотларига кўра, Улуғ Ватан уруши йилларида мамлакат 27 миллионга яқин кишини, жумладан ҳарбийлар ва тинч аҳолини йўқотган. Бу йўқотишлар жаҳон тарихининг энг фожиали саҳифаларидан бирини ташкил этади ва Совет иттифоқининг фашистлар Германияси устидан қозонилган ғалабага қўшган ҳал қилувчи ҳиссасини акс эттиради.

Россия ҳукумати баъзи Ғарб давлатлари тарихни қайта ёзишга уринаётганини бир неча бор таъкидлаган. Россия президенти Владимир Путин Москва Улуғ Ватан уруши ҳақидаги ҳақиқатни сақлаб қолишга ва унинг тарихини сохталаштиришга уринишларга қарши туришга мажбурлигини таъкидлади.

Уруш йилларида АҚШ ва Совет иттифоқи умумий душман – фашистлар Германиясига қарши иттифоқчи бўлган. Бу ҳамкорлик ўз ичига қуйидагиларни олади:

1. Ленд-Лиз дастури: АҚШ Совет иттифоқига ҳарбий техника, озиқ-овқат ва бошқа ресурсларни тақдим этган. Бу ёрдам урушнинг ҳал қилувчи даврида катта аҳамият касб этган.

2. Икки фронт очилиши: АҚШ ва Британия Ғарбий Европада иккинчи фронтни очиб, Совет иттифоқи зиммасидаги босимни камайтирган.

3. Яхлит ғалаба учун ҳамкорлик: Иттифоқчилар стратегик мувофиқлаштириш орқали Германия ва унинг иттифоқчиларига қарши муваффақиятли операциялар ўтказган.

АҚШ президенти аввалроқ россиялик ҳамкасби Украинадаги урушни тугатиш бўйича музокаралардан бош торца, эҳтимол” Россияга қарши янги санкциялар жорий қилишини айтди.

Трамп Россия ва Украина президентлари билан “улар хоҳлаган вақтда” учрашишга тайёрлигини таъкидлади. Бундан ташқари, у Украинадаги уруш қурбонларининг расмий сонини шубҳа остига қўйди. Трамп уруш аллақачон “миллионлаб одамларнинг” ҳаётига зомин бўлганини таъкидлади.

Америка президентининг ҳисоб-китобларига кўра, Москва 800 мингга яқин, Киев эса 600 дан 700 минггача одамни йўқотди. Трамп, шунингдек, АҚШ Украинага ёрдам бериш масаласида НАТОнинг бошқа мамлакатларига нисбатан номутаносиб юқори молиявий юкни кўтараётганини яна танқид қилди. У альянс давлатларини мудофаа харажатларини ялпи ички маҳсулотнинг 5 фоизигача оширишга чақирди. “Замин” янгиликларини “Telegram”да кузатиб боринг