Минглаб одамлар дунёдаги энг бадбўй гулнинг очилишини кутишмоқда

^{Фото: pixelrz.com}
Австралияда минглаб одамлар Сидней қироллик ботаника боғидаги ноёб сассиқ ўсимликнинг гуллашини томоша қилиш учун онлайнда ўтиришибди. Бу ҳақда BBC хабар берди.

^{Фото: BBC}
Ўсимлик номи «Титан Арум» (Титаник аморфофаллус) бўлиб, дунёдаги энг улкан гуллардан ҳисобланади. Бу гул бир неча йилда бир марта гуллаб, бир сутка давомида очилиб туради. Бу пайтда ундан «ҳўл пайпоқ ёки опоссум (шу номли ҳайвон) жасадидан чиқадиганга ўхшаш» бадбўй ҳид таралади.

Ботаника боғи ўсимлик айнан қачон гуллаши номаълумлигини маълум қилди.

^{«Титан Арум» гуллаган пайтида.}
Дунёда энг ёқимсиз ҳидга эга «Титан Арум» гули фақатгина Индонезиянинг Суматра оролидаги тропик ўрмонларда ўсади. Баландлиги 3 метргача, оғирлиги 150 килограммгача етади. Ўрмонларнинг кесилиши ва тупроқ емирилиши оқибатида бу гул ёввойи табиатдан йўқ бўлиб кетиш хавфи остида.

Аммо сўнгги йилларда Австралия бўйлаб бошқа мурда гуллари пайдо бўлди, жумладан Мелбурн ва Аделаида ботаника боғлари, ҳар сафар ушбу бадбўй ҳидга эга бўлишни истаган минглаб қизиқувчан меҳмонларни жалб қилади.

Бундан ташқари, бир нечтаси Лондондаги Кью Гарденсда жойлашган бўлиб, улардан бири ўтган йилнинг июн ойида гуллаган. Титан арум биринчи марта Суматра ташқарисида 1889 йилда Кью шаҳрида гуллаган. “Замин” янгиликларини “Telegram”да кузатиб боринг