Хитой Фан ва технологиялар университети олимлари литий аккумуляторларни қайта ишлаш бўйича экологик технологияни ишлаб чиқдилар. Тадқиқот натижалари Nature Sustainability журналида эълон қилинди.
Профессор Чэн Вэй раҳбарлигидаги гуруҳ электрокимёвий жараённи ишлаб чиқиб, унда литий ионларининг азот икки оксиди билан ўзаро таъсирига асосланган усул қўлланилган. Технологиянинг ўзига хослиги шундаки, у металл ишқорини ўтказадиган керамик мембранага таянади, бу эса қайта ишлаш самарадорлигини оширади.
Синовлар натижасида ишлатилган аккумуляторлардан 97 фоизгача литийни ажратиб олиш ва ҳар килограмм қайта ишланган материалдан 66 ватт электр энергияси генерация қилиш мумкинлиги аниқланди. Бу жараён қиммат кимёвий моддаларни талаб этмайди ва атроф-муҳитга кам таъсир кўрсатади.
Олимлар саноат чиқиндиларидан азот диоксидини ажратиб олиш учун диметилформамид асосидаги электролитлар билан тежамкор углерод мембраналаридан фойдаландилар. Литий ионлари билан реакция натижасида тоза литий нитрат ҳосил бўлади ва бир вақтнинг ўзида электр энергияси ишлаб чиқарилади.
Тадқиқотчиларнинг таъкидлашича, бу инновация литий аккумуляторларни қайта ишлаш соҳасида туб бурилиш яратади. Янги технология ҳар йили чиқиндига чиқариладиган ўн минглаб тонна батареяларни экологик ва иқтисодий жиҳатдан самарали қайта ишлаш имконини беради. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
