Австрия фуқароси Бернер Леонард Туркиянинг Кайсери вилояти муфтийлигида ўтказилган махсус маросимда Исломни қабул қилди ва янги "Муса Билаледдин" исмини олди.
Маросим Кайсери вилоят муфтий ўринбосари Сабир Челик раҳбарлигида ўтказилди. Унда 23 ёшли Леонард шаҳодат калимасини айтиб, расман мусулмон бўлди.
Маросим Қуръони Карим тиловати билан бошланди. Шундан сўнг, муфтий ноиби Сабир Челик Ислом динининг асосий тамойиллари ҳақида тушунтириш берди. Леонард шаҳодат калимасини айтиб, динини ўзгартириш ҳақидаги расмий маросимни бажарди.
Муфтий Челик Муса Билаледдинни табриклади ва унга махсус "Ибодат гувоҳномаси" ҳамда Қуръон ва Ислом динига оид китоблар совға қилди.
Манба: Аzon.global “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
