Россия Мудофаа вазирлиги 6 февраль эрталаб Украина Қуролли кучлари Курск вилояти ҳудудида кенг кўламли ҳужум уюштиришга ҳаракат қилганини маълум қилди.
Вазирликнинг баёнотига кўра, Украина армияси Черкасская Конопелка ва Уланок аҳоли пунктлари йўналишида аксил-ҳужум уюштиришга уринган. Ҳужумда зирҳли техникага эга иккита механизациялашган баталон иштирок этган.
Жанглар ва йўқотишлар ҳақида маълумотлар
Ҳужум қилинган ҳудудлар Суджа шаҳри яқинида жойлашган бўлиб, у ҳозирда Украина Қуролли кучлари назоратида бўлган туман маркази ҳисобланади.
Россия мудофаа идораси ушбу йўналишда Украина армияси катта йўқотишларга учраганини билдирмоқда.
Ҳали расмий тасдиқ йўқ
Бунгача бир қатор Z-каналлар ва Россия ҳарбий мухбирлари Курск вилояти ҳудудида шиддатли жанглар кечаётгани ҳақида хабар берган. Уларга кўра, Суджанинг жануби-шарқида кескин тўқнашувлар кузатилмоқда.
Ҳозирча Украина расмийлари Курск вилоятидаги ушбу можаро бўйича изоҳ бермаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
