Трамп Зеленский билан учрашув ўтказмоқчи

АҚШ президенти Доналд Трамп келаси ҳафта Украина президенти Владимир Зеленский билан учрашмоқчи эканини маълум қилди. У бу ҳақда Япониянинг бош вазири Сигэру Исиба билан Оқ уйда ўтказилган брифингда айтиб ўтди.

Трампнинг сўзларига кўра, учрашув Вашингтонда ўтказилиши мумкин.

— Мен у ерга [Киевга] бормайман, — деди у.

АҚШ ва Украина етакчилари урушда Украинани қўллаб-қувватлаш эвазига нодир металлар етказиб бериш масаласини муҳокама қилишади.

— Биз президент Зеленский билан уларнинг активлари хавфсизлигини таъминлаш масаласини кўриб чиқамиз. Улар ер ости бойликларига эга… Аслида ҳаммамиз хавфсизликни хоҳлаймиз, чунки биласизки, Европа биздан камроқ маблағ сарфламоқда, — деди Трамп.

Шунингдек, у Россия президенти Владимир Путин билан ҳам уруш бўйича музокаралар ўтказмоқчи эканини айтди. Бироқ эҳтимолий учрашувларнинг аниқ саналарини ошкор этмади.

Трампнинг таъкидлашича, ҳар икки томондан “миллионлаб одамлар” ҳалок бўлаётган уруш тезроқ якунланиши керак.

— 800 ёки 900 минг россиялик аскар ҳалок бўлган ёки оғир яраланган, Украина томони ҳам шунга яқин йўқотишларга учраган. Мен уларнинг йўқотишини 700 минг киши деб баҳолайман. Улар аниғроқ рақамларни эълон қилди, лекин бу тўғри эмас деб ўйлайман, — деди АҚШ президенти. “Замин” янгиликларини “Telegram”да кузатиб боринг