12:02 / 12.02.2025

Дания разведкаси Россиянинг НАТОга ҳужум қилиш эҳтимолини очиқлади

^{Фото: CHROMORANGE/picture alliance}
Ҳозирда Данияга Россия ҳужуми хавфи йўқ. Бироқ, келгуси йилларда бундай таҳдиднинг пайдо бўлиш эҳтимоли ортади. Бу хулосалар Скандинавия қироллиги разведка хизмати томонидан 9 февралда чоп этилган «Прогноз 2024» ҳисоботида келтирилган. Халқаро оммавий ахборот воситалари, жумладан Politico интернет нашри 11 феврал, сешанба куни ушбу ҳужжатга эътибор қаратди.

Ҳисобот муаллифларининг таъкидлашича, 2022 йилдан бери Украинадаги ҳарбий ҳаракатлар фонида Россия мамлакат қуролли кучларини кенг кўламли реконструкция қилиш ва ислоҳ қилиш ишларини олиб бормоқда. Шу билан бирга, 2024 йил давомида бу саъй-ҳаракатлар ўз характерини ўзгартирди: «қайта қуришдан НАТО кучлари билан тенг шароитларда курашиш қобилиятига эга бўлиш мақсадида ҳарбий салоҳиятни жадал ривожлантиришга».

Хитойнинг молиявий ва моддий ёрдами, шунингдек, Шимолий Корея ва Эроннинг қўшинлар ва қурол тизимлари билан қўллаб-қувватлаши Россияга ресурсларни бўшатишда тобора кўпроқ ёрдам бермоқда, деб ҳисоблайди Дания разведкаси.

Бу Россиянинг НАТОга қарши уруш бошлаш қарори қабул қилинганлигини англатмайди, дейилади ҳисоботда. Бироқ, Россия ўзини қуроллантирмоқда ва «бундай қарор қабул қилиш қобилиятига эга» потенциалини оширмоқда.

«Ҳозирда Россия НАТО шартномасининг 5-моддасига таъсир қиладиган ҳаракатлардан қочишда давом этишни истамоқда. Бироқ кучларнинг нисбий баланси Россия фойдасига ўзгармаса, Россиянинг НАТОга нисбатан иштаҳаси ошиши мумкин», дейилади ҳисоботда. Кучлар мувозанатининг бундай ўзгариши, ҳисобот муаллифларига кўра, агар Россия ўз ҳарбий салоҳиятини оширса, Ғарб буни кучайтирмаса содир бўлади.