Фото: The Economist
Украина президенти Володимир Зеленский Россия ҳукумати Беларусга катта миқдорда қўшин юборишга тайёрланаётгани, улардан НАТО давлатларининг бирига ҳужум қилишда фойдаланилиши мумкинлигини маълум қилди. Бу ҳақда у The Economist’га берган интервюсида таъкидлаган.
«Уруш уйинга келмагунча, ҳеч ким унинг нима эканини тушунмаса керак деб ўйлайман. Ҳеч кимни қўрқитмоқчи эмасман. У келади. Мен шунчаки фактлар ҳақида гапираяпман. Бугун дунё Путинни секинлик билан, жуда секинлик билан тўхтатаётган бир пайтда, у келади. Ва бу факт», — дейди Зеленский.
Зеленскийнинг сўзларига кўра, у Украина махсус хизматларидан Владимир Путин тахминан 100 минг кишини қамраб оладиган 10-15 та дивизияни шакллантираётгани, улар 2022 йилда Украинага қарши кенг кўламли уруш бошланишидан олдин бўлгани каби Беларусдаги ўқувларга жўнатилиши тўғрисида маълумот олган.
«У [Путин] олдингидек буни Украина чегарасидаги ўқувлар эканини айтади. Аммо ишонинг, бу ҳужумкор ҳаракатлари учун плацдармга тайёргарлик… У Украинага боришини сизга ким айтди? Ким сизга у Литвага, Полшага бормаслигини айтди?», — дейди Зеленский.
«Биз [ҳаракатсиз] турган пайтда у катта миқдордаги қўшинлар учун плацдарм тайёрлаётган бўлиши ва шунчаки шу плацдармни олиб бошқа йўналишга юриши мумкин. У Полшага боради, Литвага боради ва уларни босиб олади. Нега ҳеч ким бу содир бўлиши мумкин деб ўйламайди?», — дея қўшимча қилади Зеленский. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
