АҚШда озодликка чиққан россиялик Винник Москвага етиб келди

^{Фото: picture-alliance/dpa/Y. Malinov}
Россия фуқароси, BTC-e онлайн биржаси асосчиси, Вашингтон ва Москва ўртасидаги маҳбуслар алмашинуви пайтида озод қилинган Александр Винник Россияга келди. Бу ҳақда 14 феврал, жумага ўтар кечаси ТАСС ва "Интерфакс" агентликлари хабар берди.

Уларга кўра, россиялик самолёт билан Истанбулдан етказилган. Mitsubishi Challenger жети Внуково халқаро аэропортига қўнди. АҚШдан парвоз икки босқичда амалга оширилди — Туркияга ва Истанбулдан Москвага.

Винник иши

Александр Винник 2017 йилнинг ёзида оиласи билан дам олаётган Греция шимолида АҚШ талаби билан қўлга олинган эди. Эркак товламачилик, шахсий маълумотларни ўғирлаш ва гиёҳванд моддалар савдосига ёрдам беришда айбланган. 2024 йилда у пул ювиш учун фитна уюштирганликда айбини тан олди. У АҚШда 4 миллиард доллар (3,8 миллиард евро) пул ювишда айбланиб, 50 йилгача қамоқ жазосига ҳукм қилинган. Винник 2022 йил августида АҚШга экстрадиция қилинган эди.

Аввалроқ BTC-e кунлик 66 миллион доллар айланмаси билан дунёдаги энг йирик крипто-платформаларнинг ўнталигига кирган. Аноним аккаунтлардан савдо қилишга рухсат берганлиги сабабли, бутун BTC-e айланмаси АҚШ расмийлари томонидан ноқонуний деб топилди. Адвокатларнинг сўзларига кўра, Александр Винник 2024 йилнинг 1 августида Россия, АҚШ ва бошқа Ғарб давлатлари ўртасида маҳбусларни айирбошлаш битимига қўшилишни истаган. “Замин” янгиликларини “Telegram”да кузатиб боринг